Беларусы ў Мазавецкім ваяводстве Польшчы з канца красавіка сутыкаюцца са складанасцямі пры спробе атрымаць праездны дакумент замежніка. Гісторыямі двух такіх людзей падзялілася ў Facebook Вольга Цімкіна, якая дапамагае імігрантам з легалізацыяй у краіне.
Беларусы ў Мазавецкім ваяводстве Польшчы з канца красавіка сутыкаюцца са складанасцямі пры спробе атрымаць праездны дакумент замежніка. Гісторыямі двух такіх людзей падзялілася ў Facebook Вольга Цімкіна, якая дапамагае імігрантам з легалізацыяй у краіне.
«Цяпер выдаюць усяго 20 талонаў у дзень… І гэта разам — і на падачу, і на выдачу. Відавочна, што, а 8:05 талонаў ужо няма. Штодзённа прыходзіць каля 50 чалавек. Многія спрабуюць штодня займаць чаргу — а вынік той самы», — напісала яна.
Праездны дакумент замежніка выдаюць тым, у каго скончыўся, страчаны або непрыдатны для выкарыстання нацыянальны пашпарт, а магчымасці атрымаць новы няма. Таксама яго выдаюць тым, хто ніколі не меў нацыянальнага пашпарта, напрыклад дзецям, народжаным у Польшчы, але чые бацькі не могуць вярнуцца дадому і аформіць ім пашпарты.
Цімкіна падкрэслівае, што з улікам патоку беларусаў, у тым ліку сем’яў, якія прыехалі ў Польшчу ў апошнія гады, колькасць людзей без дзеючых пашпартоў будзе расці — і ўсё большым стане попыт на праездны дакумент замежніка: сярод іх тыя, каму трэба яго абнавіць, і тыя, у каго скончыўся беларускі пашпарт. Дзяцем да 14 гадоў пашпарты выдаюцца толькі на пяць гадоў, і ў некаторых яны ўжо сканчаюцца.
«І менавіта ў гэты момант прымаюць такое рашэнне… 20 талонаў у дзень. Гэта значыць квест не толькі на падачу, але і на выдачу дакумента па гатовасці… Людзі і так жывуць у пастаянным напружанні, а цяпер да гэтага напружання дадаецца яшчэ і банальная немагчымасць трапіць на падачу элементарнага», — заўважае аўтарка.
Релоцировались? Теперь вы можете комментировать без верификации аккаунта.