Алеся Чапкевич bel 21 мая 2026, 14:25

У Польшчы хочуць аўтаматычна выдаваць замежнікам від на жыхарства праз 60 дзён пасля падачы. Але беларусы ў пралёце

Польскае МУС падрыхтавала праект, які дазволіць прымяняць прынцып «маўклівай згоды» да справаў па ВНЖ. Умоўна кажучы, калі за 60 дзён пры адсутнасці хібаў у справе ваявода не вынесе рашэнне, заява будзе лічыцца аўтаматычна адобранай. Але прымяняцца гэта будзе не да ўсіх, засмуціў Dzik Pic.

2 каментарыя

У Польшчы хочуць аўтаматычна выдаваць замежнікам від на жыхарства праз 60 дзён пасля падачы. Але беларусы ў пралёце

Польскае МУС падрыхтавала праект, які дазволіць прымяняць прынцып «маўклівай згоды» да справаў па ВНЖ. Умоўна кажучы, калі за 60 дзён пры адсутнасці хібаў у справе ваявода не вынесе рашэнне, заява будзе лічыцца аўтаматычна адобранай. Але прымяняцца гэта будзе не да ўсіх, засмуціў Dzik Pic.

Як сказана ў абгрунтаванні праекта, «Польшча ператварылася з эміграцыйнай дзяржавы ў імміграцыйную», і тэрміны чакання карт побыту выраслі.

«Названая істотная цяжкасць закранае таксама грамадзян найбольш развітых трэціх краін, у тым ліку асабліва важных для польскай эканомікі, з якіх паступаюць стратэгічныя інвестыцыі, якія забяспечваюць далейшае эканамічнае развіццё краіны і рост дабрабыту польскіх грамадзян», — гаворыцца ў тэксце праекта.

МУС прапануе ўнесці такія змены.

Грамадзяне найбольш развітых трэціх краін, у якіх агульная сітуацыя ў сферы бяспекі задавальняльная, у вытворчасцях па легалізацыі знаходжання будуць карыстацца інстытутам маўклівага завяршэння вытворчасці.
Для справаў у легалізацыі знаходжання прапануецца тэрмін 60 дзён з моманту падачы заявы. А калі былі фармальныя недахопы — 60 дзён з моманту іх ліквідацыі.
Спіс краін-шчасліўчыкаў складзе Савет міністраў асобнай пастановай. Але ўжо вядома, што дадзенае рашэнне будзе адрасавана выключна дзяржавам, грамадзяне якіх карыстаюцца бязвізавым рэжымам у ЕС.

Гэта значыць, беларусаў не датычыць.

Таксама яно не будзе распаўсюджвацца на людзей, якія трапілі ў спіс «непажаданых асобаў», або чыё знаходжанне ў Польшчы ўяўляе пагрозу бяспецы ці грамадскаму парадку.

Механізм будзе распаўсюджвацца толькі на першую інстанцыю (справы ў ваяводы), але не на апеляцыйныя вытворчасці ў начальніка Ўпраўлення ў справах замежнікаў. Праект павінны разгледзець у бягучым квартале.