З'явіўся топ-25 найбольш прыбытковых беларускіх бізнесаў у Польшчы. ІТ-кампаніі лідаруюць

Усяго паводле вынікаў 2024 года планку ў €1 млн (або 4,3 млн злотых) чыстага прыбытку пераадолелі 28 такіх кампаній. Недасяжны лідар і генератар яе ільвінай долі ў агульнапольскім маштабе — EPAM Systems (Poland).

Больш за трэць топу — дзевяць удзельнікаў — гэта ІТ-кампаніі. Побач з вядомымі бізнесамі накшталт EPAM, Wargaming, PandaDoc, Vention Development, Innowise і дачкі SoftSwiss (314Devs) у «топ-25 мільянераў» увайшлі вузкапрофільны распрацоўшчык сафту на базе SAP для лагістыкі Freight Art і геймдэвелопер Peaky Muzzle.

Спіс ІТ-кампаній сярод самых прыбытковых бізнесаў беларусаў у Польшчы паводле стану на канец пазамінулага года такі:

• 1. EPAM Systems (Poland) (Кракаў, Аркадзь Добкін) 386,8 млн злотых (у 2023 годзе — 89,9 млн);
• 6. Polsource (Кракаў, Аркадзь Добкін) 10,9 (-8,5);
• 7. 314Devs (Познань, Іван Монцік, Дзмітрый Яйкоў) 10,6 (2,9);
• 9. Wargaming Warsaw (Варшава, Віктар Кіслы, Мікалай Кацэлапаў) 9,0 (2,0);
• 11. Freight Art (Варшава, Дзмітрый Балюк) 8,4 (-);
• 14. Pandadoc Poland (Варшава, Мікіта Мікада, Сяргей Барысюк) 7,2 (9,9);
• 18. Peaky Muzzle (Варшава, Андрэй і Людміла Угольнік) 6,3 (-);
• 21. Vention Development (Лодзь, Сяргей Кавалёнка) 5,5 (1,0);
• 25. Innowise (Варшава, Павел Арлоў) 4,8 (2,7).

EPAM узначаліла топ-100 найбуйнейшых беларускіх бізнесаў у Польшчы

Па тэме

EPAM узначаліла топ-100 найбуйнейшых беларускіх бізнесаў у Польшчы

У Польшчы паставілі на паўзу праект, які павінен быў паскорыць працаўладкаванне замежных айцішнікаў і не толькі

Па тэме

У Польшчы паставілі на паўзу праект, які павінен быў паскорыць працаўладкаванне замежных айцішнікаў і не толькі