ШІ можа здорава паскорыць працу, але калі карыстацца ім занадта актыўна, можна паступова развучыцца рабіць нешта самастойна. Кіраўнік аддзела ў працы з людзьмі і арганізацыямі ў Boston Consulting Group Дэвід Марцін лічыць, што ў нейкі момант гэта можа нашкодзіць кар’еры: «Ёсць рызыка, што людзі настолькі страцяць навыкі, што стануць незапатрабаванымі на рынку».
ШІ можа здорава паскорыць працу, але калі карыстацца ім занадта актыўна, можна паступова развучыцца рабіць нешта самастойна. Кіраўнік аддзела ў працы з людзьмі і арганізацыямі ў Boston Consulting Group Дэвід Марцін лічыць, што ў нейкі момант гэта можа нашкодзіць кар’еры: «Ёсць рызыка, што людзі настолькі страцяць навыкі, што стануць незапатрабаванымі на рынку».
Працадаўцы ўжо пачынаюць гэта заўважаць. Палова кіраўнікоў буйных кампаній з усяго свету, апытаных BCG у чэрвені, назірае паступовае пагаршэнне крытычна важных навыкаў. Пры гэтым хутчэй за ўсё дэградуюць менавіта тыя, якія кіраўнікі лічаць найбольш важнымі для доўгатэрміновых вынікаў: уменне правільна сфармуляваць праблему, прымаць рашэнні, мысліць творча і ацэньваць рашэнні.
Але большасць кампаній пакуль амаль нічога з гэтым не робіць. Паводле дадзеных BCG, толькі ў адной з дзесяці ёсць канкрэтны план барацьбы са стратай навыкаў, а трэць кампаній наогул не абмяркоўвала гэтую праблему. Таму супрацоўнікам застаецца самім сачыць за тым, каб не разучыцца думаць.
Першая звычка, якая можа гэтаму нашкодзіць, — занадта моцная залежнасць ад ШІ-самары. Калі пасля чытання кароткага пераказу, зробленага ШІ, вы не можаце адказаць на простыя ўдакладняльныя пытанні, магчыма, вы занадта на яго налягаеце.
Марцін кажа, што гэта адразу заўважна, калі супрацоўнік просіць ШІ пераказаць прэзентацыю, якую павінен быў вывучыць сам: чалавек не можа адказаць на пытанні па матэрыяле або разабрацца ў дэталях. «Быццам ён ведае толькі тое, што яму расказаў ШІ», — кажа Марцін. Паводле янр, моцныя спецыялісты пасля самары працягваюць задаваць сабе дадатковыя пытанні і самастойна разбірацца ў матэрыяле.
Другая праблема — выкарыстанне ШІ для ключавых працоўных задач, дзе трэба стратэгія і экспертыза. Марцін бачыць страту навыкаў не толькі ў супрацоўнікаў, якія аддаюць ШІ руціну накшталт напісання лістоў, але і ў тых, хто выкарыстоўвае яго для асноўных працоўных задач і падрыхтоўкі кантэнту.
Пры гэтым Марцін не лічыць, што ШІ нельга выкарыстоўваць для такіх задач. Праблемы пачынаюцца, калі чалавек прымае вынік мадэлі без уласнай праверкі і крытычнага аналізу. Ён раіць задаваць сабе пытанні, якія маглі б узнікнуць у яго самога або ў іншых людзей, і наўмысна шукаць слабыя месцы ў адказе ШІ.
Каб не губляць кагнітыўныя навыкі, Марцін раіць раз у квартал на тыдзень наўмысна адмаўляцца ад ШІ. Сэнс у тым, каб праверыць, ці можаце вы па-ранейшаму выконваць сваю працу на звычайным або больш высокім узроўні без мыліцы. Паводле Марціна, кампаніі таксама зацікаўлены ў тым, каб спалучаць аўтаматызацыю — і велізарныя прыросты прадукцыйнасці, абяцаныя тэхналогіяй, — з працай без ШІ: занадта моцна спадзявацца на ШІ можа быць небяспечна, а перапынак можа быць вельмі карысным.
Релоцировались? Теперь вы можете комментировать без верификации аккаунта.