Алеся Чапкевич world 15 чэрвеня 2026, 11:10

ШІ-бум у Паўднёвай Карэі: вялікія бонусы ператвараюць завадскія гарады ў зоны раскошы

Пакуль свет разважае пра дэфіцыт відэакарт, супрацоўнікі паўднёвакарэйскіх чыпмэйкераў дзеляць рэальны звышпрыбытак ад ШІ-буму. Кампаніі Samsung Electronics і SK Hynix, якія кантралююць ільвіную долю сусветнага рынку памяці для ШІ-сервераў, выплацілі сваім інжынерам гістарычныя бонусы — у сярэднім каля $395 тысяч (600 млн вон) на чалавека, пры сярэднім заробку па краіне каля $33 тысяч.

Такі фінансавы лівень перакроіў мясцовую эканоміку і ператварыў некалі звычайныя прамысловыя гарады ў новыя цэнтры раскошы. Тут узляцелі цэны на нерухомасць, пачаўся бум дарагіх аўтамабіляў, а гарадскія бюджэты чакаюць вялікія паступленні ад тэхгігантаў, піша Financial Times.

Пакінуць каментарый

ШІ-бум у Паўднёвай Карэі: вялікія бонусы ператвараюць завадскія гарады ў зоны раскошы

Пакуль свет разважае пра дэфіцыт відэакарт, супрацоўнікі паўднёвакарэйскіх чыпмэйкераў дзеляць рэальны звышпрыбытак ад ШІ-буму. Кампаніі Samsung Electronics і SK Hynix, якія кантралююць ільвіную долю сусветнага рынку памяці для ШІ-сервераў, выплацілі сваім інжынерам гістарычныя бонусы — у сярэднім каля $395 тысяч (600 млн вон) на чалавека, пры сярэднім заробку па краіне каля $33 тысяч.

Такі фінансавы лівень перакроіў мясцовую эканоміку і ператварыў некалі звычайныя прамысловыя гарады ў новыя цэнтры раскошы. Тут узляцелі цэны на нерухомасць, пачаўся бум дарагіх аўтамабіляў, а гарадскія бюджэты чакаюць вялікія паступленні ад тэхгігантаў, піша Financial Times.

У Донгтане — раёне горада Хвасон ля Сеула, дзе жывуць супрацоўнікі абедзвюх кампаній, — цэны на невялікія кватэры ў прэстыжных комплексах усяго за пару тыдняў скочылі на $132 тысячы. Жыллё каля ключавых станцый, якое каштавала восенню каля $1 млн, цяпер прадаецца за $1,4 млн, прычым больш за палову ўгодаў айцішнікі закрываюць наяўнымі.

Мясцовы ўнівермаг Lotte адчытаўся пра рост продажаў люксавых тавараў на 40%. А ў горадзе Ічхон, дзе базіруецца SK Hynix, рэгістрацыя дарагіх імпартных аўтамабіляў вырасла больш чым удвая ўсяго за год. Падаткі ад адной толькі Samsung прынясуць адміністрацыі горада Хвасон каля $660–860 млн пры агульным гадавым бюджэце горада ў $2,3 млрд.

Праўда, унутры самой Samsung ШІ-бонусы спракавалі жорсткі раскол і падзенне маральнага духу. Кіраўніцтва вырашыла заахвоціць толькі тых, хто заняты ў вытворчасці звышпрыбытковай ШІ-памяці. У выніку інжынеры іншых падраздзяленняў (напрыклад, Samsung Foundry), якія лічацца стратэгічнай будучыняй кампаніі, але пакуль не прыносяць грошай «тут і цяпер», засталіся з мінімальнымі выплатамі. Супрацоўнікі адкрыта скардзяцца, што радавы спецыяліст з аддзела памяці цяпер атрымлівае больш, чым начальнік суседняга дэпартамента.