Алеся Чапкевич world 21 ліпеня 2026, 18:10

ШІ цяпер датычыць кожнага: працадаўцы шукаюць дальнабойшчыкаў і настаўнікаў з ведамі нейрасетак

ШІ выходзіць за межы ІТ-сектара і становіцца навыкам для звычайных прафесій — як у ЗША, так і ў Еўропе, піша Business Insider.

Пакінуць каментарый

ШІ выходзіць за межы ІТ-сектара і становіцца навыкам для звычайных прафесій — як у ЗША, так і ў Еўропе, піша Business Insider.

Паводле новых дадзеных джобборда Indeed, працадаўцы ўсё часцей дадаюць ШІ ў назвы нетэхнічных вакансій. Цяпер веданне нейрасетак патрабуецца ў продажах, HR, юрыспрудэнцыі, падтрымцы кліентаў, адукацыі, ахове здароўя і нават у грузаперавозках. У ЗША колькасць найменняў прафесій, звязаных з ШІ, з 2022 года вырасла больш чым утрая.

Колькасць прафесій у ЗША, для якіх адкрыта ад 5 вакансій з упамінаннем ШІ ў назве

Галоўная тэндэнцыя — ШІ становіцца базавай часткай самой працы, а не асобнай спецыяльнасцю. На пяці з шасці найбуйнейшых даследаваных рынках — у ЗША, Германіі, Францыі, Вялікабрытаніі і Нідэрландах — большасць вакансій са згадваннем ШІ ўжо знаходзіцца за межамі ІТ-сферы. Адзіным выключэннем пакуль застаецца Іспанія, дзе ШІ-кадры ўсё яшчэ шукаюць у асноўным у класічным ІТ.

На рынку з’яўляюцца ўсё больш незвычайныя прапановы: кампаніі шукаюць фізіятэрапеўтаў, дальнабойшчыкаў, маркетолагаў і настаўнікаў, якія ўмеюць выкарыстоўваць нейрасеткі. Рынак пераходзіць ад стварэння ШІ-інструментаў да іх практычнага прымянення ў штодзённых задачах — і гэта галоўная прыкмета таго, што тэхналогія становіцца масавай, адзначае выданне.