Украінцы аднымі з першых у свеце змогуць карыстацца сувяззю Starlink непасрэдна з тэлефонаў
Украінскі правайдар «Кіеўстар» падпісаў пагадненне са Starlink — «дачкой» SpaceX — аб укараненні ў краіне спадарожнікавай сувязі па тэхналогіі Direct to Cell, якая прадугледжвае прамое падключэнне да мабільных тэлефонах. Пра гэта паведамляе Reuters.
Пачаць плануецца з перадачы смс-паведамленняў — гэтая функцыя будзе рэалізаваная ў 4 квартале 2025 года. У далейшым з’явіцца падтрымка галасавых званкоў перадачы даных.
Фінансавыя дэталі ўгоды не выдаюцца.
Першая партыя спадарожнікаў з мадэмамі для тэхналогіі Direct to Cell, якія дазваляюць ім функцыянаваць як сотавыя вышкі, пасылаючы сігнал непасрэдна на тэлефоны, была запушчаная ў гэтым лютым.
На гэты час SpaceX уклала ўгоды на даванне такой сувязі 8 краінам, у тым ліку ЗША, Японіі і Новай Зеландыі. То-бок Украіна стане адной з першых у свеце, дзе Starlink будзе разгортваць тэхналогію.
Гендырэктар SpaceX Ілан Маск прысутнічаў на сазвоне Дональда Трампа і Уладзіміра Зяленскага ў лістападзе. Тады бізнэсовец заявіў, што ягоная кампанія працягне падтрымліваць Украіну.
Читать на dev.by