Meta ў траўні звольніць 10% супрацоўнікаў. Але, магчыма, на гэтым не спыніцца: учора падчас фінансавай справаздачы фіндырэктар кампаніі Сьюзан Лі заявіла, што ў кампаніі «не ведаюць», якая колькасць штату была б для яе аптымальнай.
Meta ў траўні звольніць 10% супрацоўнікаў. Але, магчыма, на гэтым не спыніцца: учора падчас фінансавай справаздачы фіндырэктар кампаніі Сьюзан Лі заявіла, што ў кампаніі «не ведаюць», якая колькасць штату была б для яе аптымальнай.
«Цяпер столькі ўсяго мяняецца, здольнасці ШІ імкліва растуць», — заявіла яна. І такія заявы пужаюць людзей не толькі ў Meta, але і ў астатняй індустрыі, адзначае Business Insider.
Цукерберг на справаздачы наўпрост пра звальненні не гаварыў, але адхіліў словы некаторых сваіх калег пра тое, што ШІ справакуе масавае беспрацоўе. «ШІ не заменіць людзей. Думаю, ён наадварот дасць людзям больш магчымасцяў рабіць тое, што ім хочацца», — сказаў гендырэктар.
Ён дадаў, што Meta рацыяналізуе каманды, каб яны не былі большыя, чым патрэбна. Хоча, каб былі маленькімі і аператыўнымі. Паводле яго, у кампаніі ўсё больш прыкладаў, калі адзін-два чалавекі за тыдзень будуюць нешта, на што раней былі патрэбны дзясяткі людзей і месяцы часу. Лі звязала будучыя звальненні з выдаткамі Meta на ШІ-інфраструктуру. Гадавыя капвыдаткі павялічыліся ўдвая да $125-145 млрд і значна перавысілі рост даходаў.
Тым часам фіндырэктар Microsoft Эмі Худ падчас званка з аналітыкамі наконт наступнага фінансавага года сказала, што ў бліжэйшыя кварталы людзей тут стане менш: «Мы працягваем удасканальваць нашу дзейнасць, каб быць хутчэй і гнутчэй. Таму мы чакаем, што штат паменшыцца ў параўнанні з папярэднім годам». Новы год у Microsoft пачынаецца з ліпеня.
Напярэдадні Худ разаслала супрацоўнікам ліст, у якім падзякавала за тое, што яны «паскорыліся». А таксама адзначыла, што каманды сталі больш кампактнымі. Маштабныя скарачэнні Microsoft не аб’яўляла, але нядаўна прапанавала адкупіцца ад тысяч супрацоўнікаў.
Релоцировались? Теперь вы можете комментировать без верификации аккаунта.