Google абвясціла пра інвестыцыі ў памеры $50 млн праз свой фонд Google.org. Гэтыя грошы пойдуць на падтрымку праграм навучання рабочым спецыяльнасцям у больш чым 20 штатах. Мэта маштабнага праекта — падрыхтаваць больш за 300 тысяч амерыканскіх спецыялістаў.
Google абвясціла пра інвестыцыі ў памеры $50 млн праз свой фонд Google.org. Гэтыя грошы пойдуць на падтрымку праграм навучання рабочым спецыяльнасцям у больш чым 20 штатах. Мэта маштабнага праекта — падрыхтаваць больш за 300 тысяч амерыканскіх спецыялістаў.
Прамое фінансаванне атрымаюць эксперты, якія ствараюць навучальныя праграмы з нуля, у тым 14 прафсаюзаў і 4 галіновыя асацыяцыі падрадчыкаў. Google робіць стаўку на навучанне будаўнікоў, электрыкаў, сантэхнікаў, мантажнікаў сістэм ацяплення і вентыляцыі, зваршчыкаў і тэхнікаў у працы з аптычным валакном.
Google — не адзіны тэхгігант, вымушаны вырашаць праблему кадравага голаду. Раней Meta запусціла падобную праграму аб’ёмам $250 млн для падрыхтоўкі амерыканцаў да будаўніцтва дата-цэнтраў, а Microsoft і Oracle пашыраюць свае ініцыятывы па стварэнні аналагічнага кадравага рэзерву.
Прычынай стаў жорсткі дэфіцыт фізічнай інфраструктуры для ШІ. Будаўнічая галіна ЗША зараз вастрэй за ўсё мае патрэбу прыкладна ў 349 тысячах новых супрацоўнікаў, каб пакрыць попыт, справакаваны ШІ-бумам. У 2025 годзе ў Амерыцы выдалі дазволы на будаўніцтва 176 новых дата-цэнтраў у 34 штатах — гэта абсалютны рэкорд за апошнія паўстагоддзя.
Інвестыцыі ў рабочыя спецыяльнасці сталі часткай больш маштабнай праграмы ШІ-гіганта. З 2022 года Google выдзеліла больш за $1 млрд па ўсім свеце на ініцыятывы па навучанні, што дапамагло больш чым 100 млн чалавек асвоіць базавыя лічбавыя навыкі.
Рэлацыраваліся? Цяпер вы можаце каментаваць без верыфікацыі акаўнта.