DocuSign — галоўны канкурэнт PandaDoc — скарачае 10% штату. Увосень скараціў яшчэ 10%

Станам на студзень 2022 года кампанія налічвала 7461 супрацоўніка. Пазней, у верасні, DocuSign вырашыла развітацца з 9% з іх. Новы раўнд звальненняў закране каля 700 чалавек.

Такі крок неабходны кампаніі для падтрымання росту і рэалізацыі фінансавых мэтаў, а таксама каб вызваліць рэсурсы для ўкладанняў. Выдаткі, звязаныя са звальненнямі, складуць $25-35 млн і ў асноўным прыпадуць на 1 квартал 2024 фіскальнага года. Рэструктурызацыя будзе завершаная пры канцы 2 квартала таго ж года.

Каціроўкі DocuSign у чацвер праз навіны выраслі на 3%.