ШІІ-бум выклікаў дэфіцыт электрыкаў і будаўнікоў у ЗША — тэхгіганты грабуць іх тысячамі
Развіццё ШІ нечакана ўперлася ў дэфіцыт сінякаўнерыкавых, піша New York Times. Буйным тэхналагічным кампаніям патрэбны тысячы электрыкаў, цесляроў і мантажнікаў для будаўніцтва гіганцкіх дата-цэнтраў. Маштаб будоўлі настолькі вялікі, што OpenAI, Google, Meta і BlackRock вымушаны ўліваць сотні мільёнаў долараў у адукацыйныя праграмы, саюзы і прафсаюзы, каб з нуля навучаць рабочых і паскорана выводзіць іх на пляцоўкі.
Развіццё ШІ нечакана ўперлася ў дэфіцыт сінякаўнерыкавых, піша New York Times. Буйным тэхналагічным кампаніям патрэбны тысячы электрыкаў, цесляроў і мантажнікаў для будаўніцтва гіганцкіх дата-цэнтраў. Маштаб будоўлі настолькі вялікі, што OpenAI, Google, Meta і BlackRock вымушаны ўліваць сотні мільёнаў долараў у адукацыйныя праграмы, саюзы і прафсаюзы, каб з нуля навучаць рабочых і паскорана выводзіць іх на пляцоўкі.
Канкурэнцыя за кадры ўжо перарасла ў цэнавую вайну. Паводле дадзеных сервісаў па пошуку працы, заробкі спецыялістаў па мантажы і абслугоўванні на будоўлях дата-цэнтраў зараз на 42% вышэйшыя, чым у іншых галінах. У рэгіёнах з высокай канцэнтрацыяй аб’ектаў накшталт Тэхасу ці Вірджыніі электрыкі зарабляюць да $200 тысяч на год, праз што адбываецца адток рабочай сілы з іншых гарадскіх і інфраструктурных аб’ектаў.
Каб не сарваць графікі, ІТ-гіганты заходзяць прама ў каледжы і прафсаюзы, аплачваючы вучобу, пражыванне і стыпендыі. Да прыкладу, Google дапамагае пашырыць штогадовы набор стажораў-электрыкаў з 19,5 тысячы да 30 тысяч чалавек, а Meta запусціла ўласныя чатырохтыднёвыя курсы для тысяч будаўнікоў. Microsoft запусціла праграмы падрыхтоўкі спецыялістаў для дата-цэнтраў яшчэ ў 2018 годзе і з таго часу навучыла 15 тысяч чалавек. Прафсаюзы ставяцца да паскоранага навучання скептычна, адзначаючы, што месячныя курсы не замяняць паўнавартасную чатырохгадовую праграму падрыхтоўкі.
Для ІТ-кампаній шчодрыя інвестыцыі ў рабочыя спецыяльнасці — гэта яшчэ і спроба згладзіць негатыўнае стаўленне грамадскасці. Мясцовыя жыхары часта пратэстуюць супраць забудовы дата-цэнтрамі, асцерагаючыся росту цэн на электраэнергію і нагрузкі на экасістэмы. Супраца з рэгіянальнымі прафсаюзамі і бізнесам дае тэхнагігантам палітычнае падтрыманне і лаяльнасць мясцовых уладаў.
Аднак у індустрыі нарастае занепакоенасць наконт таго, што адбудзецца пасля завяршэння будаўнічага буму. Эксперты і самі рабочыя сумняюцца, ці здолее рынак працы пераварыць такую колькасць вузкаспецыялізаваных кадраў, калі гіганцкія дата-цэнтры дабудуюць, а для іх паўсядзённага абслугоўвання спатрэбіцца толькі невялікая група тэхнікаў.
Релоцировались? Теперь вы можете комментировать без верификации аккаунта.