Чарнагорыя рыхтуецца перагледзець правілы ўезду замежнікаў дзеля збліжэння з Еўрасаюзам. Паводле планаў уладаў, ужо гэтай восенню краіна можа адмяніць бязвізавы рэжым для грамадзян Беларусі і Расіі. Пра гэта паведамляе чарнагорскае выданне Dan са спасылкай на крыніцы ва ўрадзе.
Чарнагорыя рыхтуецца перагледзець правілы ўезду замежнікаў дзеля збліжэння з Еўрасаюзам. Паводле планаў уладаў, ужо гэтай восенню краіна можа адмяніць бязвізавы рэжым для грамадзян Беларусі і Расіі. Пра гэта паведамляе чарнагорскае выданне Dan са спасылкай на крыніцы ва ўрадзе.
Рашэнне будзе прынята ў межах праграмы па гарманізацыі візавай палітыкі Чарнагорыі з патрабаваннямі ЕС. Краіна ўзяла на сябе абавязацельства цалкам прывесці свае правілы ўезду ў адпаведнасць з еўрапейскімі стандартамі да канца 2027 года. Першымі пад удар патрапяць менавіта беларусы і расіяне — новыя правілы для іх могуць уступіць у сілу ўжо з 1 кастрычніка сёлета.
Услед за імі, арыенціровачна да канца 2026 года, Чарнагорыя плануе ўвесці візы для грамадзян Турцыі. На наступных этапах бязвізавы рэжым паступова адменяць для Кітая, ААЭ, Катара, Бахрэйна і шэрагу іншых дзяржаваў.
Цяпер беларусы могуць знаходзіцца ў Чарнагорыі без візы да 30 дзён. Аднак у межах падрыхтоўкі да ўступлення ў Шэнгенскую зону Падгорыца абавязана паслядоўна скарачаць спіс лаяльных у візавым плане краін — як мінімум на адну дзяржаву ў год.
Афармляць уязныя дакументы Чарнагорыя плануе праз VFS Global — найбуйнейшага сусветнага візавага аператара. Ужо да снежня ў краіне збіраюцца разгарнуць паўнавартасную сістэму збору біяметрычных дадзеных паводле стандартаў ЕС.
Рэлацыраваліся? Цяпер вы можаце каментаваць без верыфікацыі акаўнта.