Як адпрацаваў ПВТ у 2024 годзе: экспарт на тым жа ўзроўні, затое на ўнутраным рынку — вялікі буст

За 2024 год рэзідэнты Парку захавалі экспарт на ранейшым узроўні (1,8 млрд даляраў), але пры гэтым павялічылі продажы ІТ-прадуктаў і паслуг на ўнутраным рынку Беларусі да 2 млрд рублёў. Гэта на траціну больш (+0,5 млрд рублёў), чым за ўвесь 2023 год. Акрамя таго, гэта рэкордны паказчык продажаў за апошнія 4 гады.

У 2021 і 2022 гадах аб’ём рэалізацыі ІТ-прадуктаў і паслуг складаў 1,3 млрд рублёў, па выніках 2023 года — 1,5 млрд рублёў.

Раней былы намеснік дырэктара ПВТ (цяпер міністр сувязі) Кірыл Залескі заяўляў, што доля экспарту ў агульнай выручцы кампаній ПВТ скарацілася да 75%, а доля ўнутранага рынку ўзрасла да 25%. Падобна, што гэта сапраўды так.

Агульны аб’ём продажаў на ўнутраным рынку за мінулы год у валютным эквіваленце склаў 600+ млн даляраў. З улікам паставак на знешнія рынкі агульны аб’ём продажаў рэзідэнтаў ПВТ за мінулы год перавысіў 2,4 млрд даляраў. З гэтай сумы экспарт склаў 75%, продажы ўнутры Беларусі — 25%.

Таксама ў мінулым годзе кампаніі ПВТ павялічылі аб’ём вытворчасці на 10%+ да 7,9 млрд рублёў. Для параўнання, у 2022 годзе ён склаў амаль 8,3 млрд рублёў, у 2023 годзе — 7,1 млрд рублёў.

Компании ПВТ получают на внутреннем рынке 25% выручки

Па тэме

Компании ПВТ получают на внутреннем рынке 25% выручки