У сакавіку партал Statcounter зафіксаваў прыкметнае падзенне рынкавай долі Windows 11. У красавіку трэнд працягнуўся: дасягнуўшы піка ў 28,16% у лютым, найноўшая настольная АС Microsoft стала здаваць пазіцыі і цяпер усталяваная менш як на 26% прылад пад кіраваннем Windows.
У сакавіку партал Statcounter зафіксаваў прыкметнае падзенне рынкавай долі Windows 11. У красавіку трэнд працягнуўся: дасягнуўшы піка ў 28,16% у лютым, найноўшая настольная АС Microsoft стала здаваць пазіцыі і цяпер усталяваная менш як на 26% прылад пад кіраваннем Windows.
Карыстальнікі між тым вяртаюцца на «дзясятку»: яна за месяц дадала 0,96 п. п. і ўпершыню ад мінулага верасня перавысіла адзнаку ў 70, 03%. Windows 11 страціла прыкладна столькі ж і займае 25,65%.
Цікава, што Windows 11 прадэманстравала зніжэнне ў сярэдзіне цыклу — нават не самыя ўдалыя Windows 8 і 8.1 упалі толькі пасля рэлізу наступнай версіі. Як адзначае Neowin, лічбы Statcounter не з’яўляюцца праўдай у апошняй інстанцыі, але 3% — гэта адчувальная страта для сістэмы, якая стаіць на борце больш як 1 млрд прылад.
Некаторыя лічаць, што абнаўленне да Windows 11 з яе 9-гадовай папярэдніцы мае мала сэнсу, асабліва з улікам таго, што з яе быў прыбраны шэраг карысных функцый, напрыклад, Windows Subsystem for Android, але з’явіліся непрыемныя навіны ў выглядзе беспардоннай рэкламы. Відаць, утрымліваць карыстальнікаў ёй становіцца ўсё складаней, хоць распрацоўшчыкі спрабуюць павысіць яе папулярнасць з дапамогай функцый на базе АІ.
У цэлым на рынку дэсктопных АС усім версіях Windows належыць 72,22%.
Рэлацыраваліся? Цяпер вы можаце каментаваць без верыфікацыі акаўнта.