Найдаражэйшыя стартапы-аднарогі свету
Сукупная ацэнка аднарогаў свету складае $3,8 трлн — гэта больш, чым ВУП Індыі. Visual Capitalist прыводзіць дзясятку самых дарагіх прыватных стартапаў з мільярднай ацэнкай станам на кастрычнік. За аснову ўзятыя даныя Carbon Finance, CB Insights і Bloomberg.
Першае месца займае ByteDance, кітайская ўладальніца TikTok. Яе ацэньваюць у $225 млрд. Сацсеткай карыстаецца каля паловы амерыканцаў, а прыкладна 14% жыхароў краіны рэгулярна чэрпаюць навіны з TikTok.
Далей ідзе SpaceX з ацэнкай у $200 млрд. Касмічная кампанія Ілана Маска з’яўляецца адным з ключавых партнёраў НАСА і Пентагона. Яна запусціла ў космас ужо больш за 7 тысяч спадарожнікаў. На трэцім радку з ацэнкай $157 млрд размясцілася OpenAI. Распрацоўшчыца ChatGPT нядаўна прыцягнула $6 млрд на маштабаванне сваёй дзейнасці.
У цэлым, 6 з 10 аднарогаў маюць амерыканскае паходжанне. Таксама ў топ уваходзяць сінгапурскі маркетплэйс Shein, брытанскі фінтэх Revolut і аўстралійская платформа графічнага дызайну Canva.
Читать на dev.by