Аддзел навін 17 снежня 2024, 15:04

Шведскі фінтэх ужо год не наймае новых супрацоўнікаў дзякуючы АІ, а наяўных цяпер будзе правяраць на наркотыкі

СЕО шведскага сэрвісу па аплаце тавараў у растэрміноўку Klarna Себасцьян Семяткоўскі нядаўна заявіў у інтэрв’ю Bloomberg, што, на яго «думку, АІ ужо здольны рабіць усю працу, якую робяць людзі».

2 каментарыя

Шведскі фінтэх ужо год не наймае новых супрацоўнікаў дзякуючы АІ, а наяўных цяпер будзе правяраць на наркотыкі

СЕО шведскага сэрвісу па аплаце тавараў у растэрміноўку Klarna Себасцьян Семяткоўскі нядаўна заявіў у інтэрв’ю Bloomberg, што, на яго «думку, АІ ужо здольны рабіць усю працу, якую робяць людзі».

«Пытанне толькі ў тым, як мы ўжываем і выкарыстоўваем яго», — дадаў гендырэктар. Сярод партнёраў Klarna — больш за 575 тысяч рытэйлераў.

Семяткоўскі таксама адзначыў, што яго кампанія перастала наймаць новых супрацоўнікаў прыкладна год таму. На той момант у штаце было прыкладна 4500 чалавек, а цяпер — 3500. Колькасць супрацоўнікаў памяншаецца за кошт натуральнага адтоку. Людзі бавяць у кампаніі прыкладна пяць гадоў, а калі сыходзяць (гэта 20% у год), іх месцаў не запаўняюць, сказаў гендырэктар. Хіба што важныя інжынерныя пазіцыі, растлумачылі выданню ў кампаніі. Супрацоўнікам кампанія сказала, што гэта дазволіць ёй знізіць выдаткі на заробкі. І што часткова плюсы гэтай эканоміі яны ўбачаць у сваіх разлікоўках.

Між тым супрацоўнікаў Klarna ў Швецыі апавясцілі, што ад студзеня іх будуць правяраць на алкаголь і наркотыкі. Тэсты будуць праводзіць у выпадковым парадку, рабіць іх будзе іншая кампанія. Такое паведамленне ад дырэктара па персанале з’явілася ўчора ў карпаратыўным канале Slack. Гэта адная з мер «умацавання бяспекі ў Klarna», тлумачыцца ў пасце.

У іншых краінах сваёй прысутнасці Klarna ўвядзе праверкі на наркотыкі ў адпаведнасці з мясцовымі законамі. Усе новыя супрацоўнікі ў Швецыі ад студзеня будуць праходзіць такую праверку на этапе наймання. Паводле слоў шведскіх юрыстаў, закон краіны дазваляе такія праверкі ў прыватным сектары, і яны даволі распаўсюджаныя ў банкаўскай і фінтэх-сферах.

Ідэю праверкі на наркотыкі Семяткоўскі агучваў на ўсеагульным сходзе ў верасні. Неабходнасць дадатковых мер засцярогі аргументавалася тым, што стартап расце і прыцягвае ўсё больш увагі хакераў і іншых злачынцаў.