Паліцыя графства Корнуал на поўдні Англіі ўстанавіла сістэму камер на базе штучнага інтэлекту на адной з буйных дарог краіны. Усяго за 72 гадзіны яна зафіксавала каля 300 кіроўцаў, якія парушылі ПДР. А яшчэ праз пяць дзён лічба вырасла да тысячы, піша Insider.
Паліцыя графства Корнуал на поўдні Англіі ўстанавіла сістэму камер на базе штучнага інтэлекту на адной з буйных дарог краіны. Усяго за 72 гадзіны яна зафіксавала каля 300 кіроўцаў, якія парушылі ПДР. А яшчэ праз пяць дзён лічба вырасла да тысячы, піша Insider.
Сістэма запрацавала нядаўна ў тэставым рэжыме. Яна закліканая забяспечваць бяспеку на дарозе і выяўляць кіроўцаў, якія, напрыклад, едуць з непрышпіленымі рамянямі або карыстаюцца смартфонамі за рулём. За тры дні тэхналогія, распрацаваная кампаніяй Acusensus, выявіла 180 і 117 такіх парушэнняў адпаведна.
Сістэма ўсталяваная на трасе A30, якая злучае Лондан з паўднёва-заходняй часткай краіны. Яна робіць здымкі транспартнага патоку, пасля чаго штучны інтэлект апрацоўвае іх і выяўляе патэнцыйных парушальнікаў. Адабраныя АІ здымкі адпраўляюцца на праверку чалавеку. Калі парушэнне сапраўды мае месца, то ў залежнасці ад яго сур’ёзнасці кіроўцу накіроўваюць папярэджанне або апавяшчэнне аб пакаранні.
Акрамя гэтага, летась Acusensus тэсціравала сваю сістэму ў розных іншых частках Англіі і ў Аўстраліі. Таксама сёлета ў Вялікабрытаніі выпрабоўвалі АІ-сістэму для адсочвання кіроўцаў, якія выкідваюць смецце ў акно машыны. У метро Барселоны і Нью-Ёрка падобная АІ-сістэма вылічае пасажыраў, якія не аплацілі праезду.
Рэлацыраваліся? Цяпер вы можаце каментаваць без верыфікацыі акаўнта.