«Лабараторыя Касперскага» звальняе дзясяткі чалавек у Вялікабрытаніі, закрывае офіс

У кампаніі выданню паведамілі, што брытанскі офіс спыняе працу, а «бізнэс у краіне пераарыентуецца на партнёрскі канал». Там растлумачылі, што гэта дазволіць ёй выкарыстоўваць наяўныя ў Вялікабрытаніі дзелавыя магчымасці, эфектыўней прадаваць свае прадукты і сэрвісы і ў цэлым умацуе бізнэс. У брытанскіх кліентаў і партнёраў застанецца поўны доступ да еўрапейскай каманды «Лабараторыі» і яе партнёрскай сеткі.

Прадстаўнік кампаніі дадаў, што ў лонданскім офісе працуе менш за 50 супрацоўнікаў.

У ліпені стала вядома, што «Лабараторыя Касперскага» будзе паступова згортваць актыўнасць у ЗША і звальняць супрацоўнікаў там. Напярэдадні ў чэрвені амерыканскія ўлады забаранілі прадаваць і выкарыстоўваць софт кампаніі на тэрыторыі краіны.