Дураў патлумачыў адмову выдаваць звесткі Бразіліі дзеля ўнікання блакіроўкі

Telegram не выдаў бразільскім уладам канфідэнцыйныя звесткі, бо кампанія не можа іх атрымаць з тэхнічных прычын. «Мы абскарджваем гэтае рашэнне і з нецярпеннем чакаем канчатковага рашэння. Чаго б гэта ні каштавала, мы будзем адстойваць інтарэсы нашых карыстальнікаў у Бразіліі і іх права на прыватную камунікацыю», — напісаў Дураў.

Бізнэсовец нагадаў, што раней Расія, Іран і Кітай ужо «забаранялі Telegram праз нашую прынцыповую пазіцыю ў пытанні правоў чалавека». Калі мясцовыя законы супярэчаць місіі месенджара што да свабоды слова, то кампанія палічыць за лепшае пакінуць рынак. «Такія падзеі, хоць і сумныя, усё ж лепшыя за здраду нашых карыстальнікаў і перакананняў, на якіх мы былі заснаваны», — дадаў ён.

Раней бразільская паліцыя папрасіла Telegram перадаць звесткі пра адміністратараў і сяброў неанацысцкіх груп, якіх падазраюць у датычнасці да нападу на школу ў Аракрусе ў лістападзе 2022 года. У страляніне загінулі чатыры чалавекі, дзесяць атрымалі раненні. Паліцыя сцвярджае, што 16-гадовы стралок звязаны з антысеміцкімі групамі ў месенджары.

Паводле даных бразільскіх СМІ, Telegram перадаў паліцыі звесткі, але 26 красавіка Вярхоўны суд краіны пастанавіў заблакаваць Telegram, а таксама павялічыў штодзённы штраф да 1 мільёна рэалаў за адмову падаць паліцыі дадатковыя даныя. У сакавіку 2022 года суд ужо выносіў рашэнне наконт блакіроўкі Telegram, але пазней скасаваў яго. У цяперашнім рашэнні пазначана, што Telegram праявіў «поўную непавагу да бразільскага правасуддзя».

Telegram заблакавалі ў Бразіліі

Па тэме

Telegram заблакавалі ў Бразіліі

Telegram стаў другім паводле папулярнасці месенджарам у свеце

Па тэме

Telegram стаў другім паводле папулярнасці месенджарам у свеце

У Telegram з’явіцца аўтавыдаленне кэшу і хаванне ўдзельнікаў груп

Па тэме

У Telegram з’явіцца аўтавыдаленне кэшу і хаванне ўдзельнікаў груп