Заснавальнік і генеральны дырэктар Telegram Павел Дураў у падкасце Лекса Фрыдмана распавёў, што ацэньвае інжынераў пры найме не з дапамогай агульнапрынятых сумоўяў, а спаборніцтваў па праграмаванню. Кажа, што гэта — частка яго погляду на жыццё ў цэлым. «Канкурэнцыя — рухавік прагрэсу», — адзначыў прадпрымальнік.
Заснавальнік і генеральны дырэктар Telegram Павел Дураў у падкасце Лекса Фрыдмана распавёў, што ацэньвае інжынераў пры найме не з дапамогай агульнапрынятых сумоўяў, а спаборніцтваў па праграмаванню. Кажа, што гэта — частка яго погляду на жыццё ў цэлым. «Канкурэнцыя — рухавік прагрэсу», — адзначыў прадпрымальнік.
«Для стварэння ідэальнага працэсу адбору самых кваліфікаваных спецыялістаў пад канкрэтныя задачы наўрад ці знойдзецца нешта лепшае за спаборніцтва», — сказаў Дураў.
Ён адзначыў, што спаборніцтвы даюць саіскальнікам найлепшую магчымасць прадэманстраваць свае навыкі, а кампаніі так прасцей выбраць самых вартых. І дадаў, што такія спаборніцтвы даюць людзям самае нагляднае ўяўленне аб тым, з чым яны сутыкнуцца падчас працы ў Telegram.
Яшчэ адзін важны крытэрый — ці карыстаецца сам кандыдат месэнджарам. Калі карыстаецца, то будзе лепш разумець, з чым будзе працаваць, тлумачыць Дураў.
Аб тым, што кампанія зрабіла ўласную платформу, на якой ладзіць спаборніцтвы для распрацоўшчыкаў, Дураў распавядаў у інтэрв’ю Такеру Карлсану ў красавіку 2024 года. Спаборніцтвы праводзяцца раз у адзін-два месяцы. Па выніках Telegram адбірае «лепшых з лепшых з лепшых» канкурсантаў, якіх, магчыма, потым наймуць. На той момант каманда месэнджара налічвала толькі каля 30 інжынераў. «Нам не патрэбен HR-аддзел, каб знайсці супер-таленавітых інжынераў», — казаў тады Дураў.
У чэрвені ён пісаў, што выкарыстоўвае такі падыход для найму распрацоўшчыкаў з 2007 года — з часоў «УКантакце».
Релоцировались? Теперь вы можете комментировать без верификации аккаунта.