Двое японцаў уладкаваліся ў Amazon дзеля крадзяжу гульні да рэлізу. Аднаму гэта ўдалося

Аднаму са зладзеяў — 21 год, ён пачаў працаваць на складзе Amazon за месяц да рэлізу гульні. За два дні да рэлізу малады чалавек перастаў з’яўляцца на працы. Калі субпадрадчык патэлефанаваў яму дамоў, тэлефон узяла маці злодзея і расказала, што яе сын не знік і проста сядзіць дома і гуляе ў гульні. Калі працадаўца даведаўся, што супрацоўнік гуляе ў Tears Of The Kingdom, ён абвінаваціў яго ў крадзяжы копіі. Той прызнаўся, што атрымаў працу дзеля гульні.

Іншы злачынец скарыстаўся тым жа планам, але скраў не гульню, а мерч, які хацеў прадаць. Ён таксама перастаў прыходзіць на працу за пару дзён да рэлізу гульні, субпадрадчык зразумеў, што адсутнасць тлумачыцца гульнёй. Паводле даных часопіса, гэта не адзіныя выпадкі крадзяжоў гульняў да рэлізу. Субпадрадчык паскардзіўся, што Amazon не выстаўляе абвінавачванняў у крадзяжы, парушальнікі адкручваюцца толькі звальненнем і аплатай скрадзеных тавараў.