Джэк Дорсі: праз 5-10 гадоў мы не зможам адрозніць рэальнасць ад выдумкі — усё будзе здавацца сімуляцыяй
Імклівае распаўсюджванне і лёгкая даступнасць АІ-тэхналогій мае пабочныя эфекты. Інтэрнэт пазапаўнялі дыпфэйкі, а адрозніць згенераваны кантэнт ад сапраўднага становіцца ўсё складаней, лічыць сузаснавальнік і былы гендырэктар Х (тады яшчэ Twitter) Джэк Дорсі.
«Не давярай, а правярай. Ва ўсім трэба пераконвацца на ўласным вопыце. І вучыцца самастойна. Гэта будзе крытычна важна ў найбліжэйшыя 5 або 10 гадоў у сувязі з тым, як ствараюцца выявы, дыпфэйкі і відэа. Вы літаральна не будзеце ведаць, што рэальна, а што — не», — мяркуе Дорсі.
На думку прадпрымальніка, людзям пачне здавацца, што яны жывуць у сімуляцыі, бо ўсё будзе выглядаць штучным і сфабрыкаваным. Таму важна быць уважлівым і правяраць тое, што здаецца падазроным, прыслухоўваючыся да вопыту і інтуіцыі.
З ім, мяркуючы з усяго, салідарны цяперашні ўладальнік сацсеткі Ілан Маск. «Як знаць, можа мы ўжо [у сімуляцыі]», — адказаў ён Дорсі.
Читать на dev.by