Лепш крываватае ад вас, чым ШІ-смецце: айцішны СЕА забараніў супрацоўнікам прысылаць справаздачы, напісаныя нейрасеткамі

Штат кампаніі — 200+ чалавек, яна распрацоўвае ШІ-інструменты для аналізу кантрактаў. Але праз ШІ гендырэктар сутыкнуўся з праблемай: на стол кіраўніцтва ўсё часцей трапляюць працоўныя дакументы, маркетынгавыя канцэпцыі і планавыя прапановы, напханыя «ШІ-трызненнем». Кажа, глянцавая падача такіх тэкстаў толькі маскіруе іх павярхоўнасць. Стывенсан заявіў супрацоўнікам, што аддае перавагу бачыць іхныя думкі ў першародным выглядзе — хай нават у форме чарнавіка «на тройку з плюсам». «Лепш дашліце кароткі спіс з пяці пунктаў, чым пяць старонак адпаліраванай лухты», — адзначыў ён у карпаратыўнай нататцы.

З’ява, з якой змагаецца Spellbook, заразіла ўсю галіну — нейрасмецце распаўсюджваецца не толькі ў сацсетках, але і ва ўнутраных камунікацыях кампаній. Кіраўнік брытанскага ШІ-стартапа Synthesia ўжо заклікаў свой персанал не раздзімаць працоўную перапіску: калі адзін супрацоўнік пашкадаваў дзесяць хвілін на тое, каб дакладна сфармуляваць думку, пасля дзесяцёра мусяць выдаваць па дзесяць хвілін на чытанне гэтай вады. А стартап Clay, напрыклад, увёў правілы «пісаць — значыць думаць» і «даўжэй — не значыць лепш».

Стывенсан у сваёй нататцы падкрэсліў, што сучасныя мадэлі добра спраўляюцца са строга абмежаванымі задачамі накшталт кодынгу ці выверкі дагавораў, але абсалютна не цягнуць складаныя вольныя тэксты. Паводле яго, згенераваныя дакументы занадта аб’ёмныя, у іх мала сутнасці, а паўтаральныя фармулёўкі падрываюць давер да аўтара.

Таму цяпер у Spellbook уведзены новыя правілы працы з ШІ.

• Калі супрацоўнік выкарыстоўвае генератыўныя інструменты пры напісанні ўнутраных дакументаў ці паведамленняў, ён абавязаны паставіць адпаведную пазнаку, каб калегі былі гатовыя.
• Нейрасеткі забаронена карыстаць для складання асноўнага тэксту праектных заявак — кіраўніцтву важная логіка самога супрацоўніка. Алгарытмы дапускаюцца толькі для дапаможных матэрыялаў накшталт табліц і разлікаў.
• Згенераваныя тэксты прыраўноўваюць да ўласных думак супрацоўніка. Як юрысты адказваюць за галюцынацыі ШІ ў судзе, так і супрацоўнікі кампаніі нясуць поўную асабістую адказнасць за памылкі і выдуманыя факты ў сваіх справаздачах.
• Любая перапіска з кліентамі павінна весціся выключна ўручную, каб захаваць жывы падыход і ўвагу да людзей.

Бізнесы цяпер хваляцца, што не выкарыстоўваюць ІІ 

Па тэме

Бізнесы цяпер хваляцца, што не выкарыстоўваюць ІІ

Карыстальнікі завалілі LinkedIn скаргамі на нейраслоп

Па тэме

Карыстальнікі завалілі LinkedIn скаргамі на нейраслоп