Тэхдырэктар Meta Эндру Босварт лічыць, што калі ваша прадукцыйнасць расце дзякуючы ШІ, гэта не азначае, што вызвалены час можна выкарыстаць для дадатковых выходных. Пра гэта ён гаварыў падчас Q&A-сесіі з супрацоўнікамі ў пачатку ліпеня, піша Business Insider са словаў яе ўдзельнікаў.
Тэхдырэктар Meta Эндру Босварт лічыць, што калі ваша прадукцыйнасць расце дзякуючы ШІ, гэта не азначае, што вызвалены час можна выкарыстаць для дадатковых выходных. Пра гэта ён гаварыў падчас Q&A-сесіі з супрацоўнікамі ў пачатку ліпеня, піша Business Insider са словаў яе ўдзельнікаў.
Адзін з іх спытаў, ці нельга канвертаваць прырост прадукцыйнасці ад ШІ ў дадатковы час для адпачынку — напрыклад, аднавіць адмененую праграму «Meta Days», па якой супрацоўнікі атрымлівалі некалькі дадатковых выходных.
Босварт адказаў, што працаваць у Meta няпроста, але вызвалены дзякуючы ШІ час лепш выкарыстаць на стварэнне новых прадуктаў для карыстальнікаў. Паводле яго, прадуктамі кампаніі штодня карыстаюцца мільярды людзей, а супрацоўнікі Meta займаюцца «самымі захапляльнымі рэчамі на планеце».
«Я спадзяюся, што мы будзем выкарыстоўваць дадатковы час, каб рабіць яшчэ больш і яшчэ крутых рэчаў для карыстальнікаў», — сказаў ён. Кажа, што сам так і робіць, калі з’яўляецца вольная гадзіна.
Супрацоўніка, які задаў пытанне, ён папрасіў перастаць пытацца пра Meta Days, таму што гэта «вельмі недарэчна». Параўнаў гэта з тым, як калі б чалавек кожны раз пры размове з кіраўніком пытаўся пра выходныя, а потым цікавіўся, ці дапаможа яму гэта пабудаваць кар’еру.
Пазней Босварт папрасіў прабачэння за тое, што «занадта жорстка» адрэагаваў на пытанне — маўляў, не хацеў, але пытанне яму здалося відавочна несур’ёзным.
Рэлацыраваліся? Цяпер вы можаце каментаваць без верыфікацыі акаўнта.