Джуліян Асанж упершыню выступіў пасля вызвалення

«Сёння я вольны не таму, што сістэма спрацавала. Сёння я вольны пасля доўгіх гадоў зняволення, таму што прызнаў сябе вінаватым у тым, што займаўся журналістыкай, шукаў інфармацыю ў крыніцах, атрымліваў інфармацыю ў крыніцы, і прызнаў сябе вінаватым у інфармаванні грамадскасці аб тым, што гэта была за інфармацыя», — заявіў ён.

У чэрвені гэтага года амерыканскі суд вызваліў Асанжа ў сувязі з адбытым пяцігадовым тэрмінам у зняволенні ў Вялікабрытаніі. Яго арыштавалі ў 2019 годзе ў Лондане пасля таго, як амбасада Эквадора адмовілася больш даваць яму прытулак. Актывіст не можа аспрэчыць прысуд у Еўрапейскім судзе па правах чалавека, бо гэта забараняе ўгода з ЗША.