Алеся Чапкевич world 11 жніўня 2026, 18:27

Кіраўнік Replit лічыць, што ШІ робіць працу праграмістаў больш чалавечнай

Пакуль некаторыя айцішнікі скардзяцца на 90-гадзінныя працоўныя тыдні, генеральны дырэктар Replit Амджад Масад падзяліўся нечаканым назіраннем. Кажа, укараненне ШІ-агентаў зрабіла атмасферу ў ягонай кампаніі значна больш інтэлектуальнай, творчай і проста жывой.

Пакінуць каментарый

Пакуль некаторыя айцішнікі скардзяцца на 90-гадзінныя працоўныя тыдні, генеральны дырэктар Replit Амджад Масад падзяліўся нечаканым назіраннем. Кажа, укараненне ШІ-агентаў зрабіла атмасферу ў ягонай кампаніі значна больш інтэлектуальнай, творчай і проста жывой.

Выступаючы ў падкасце тэхналагічнага журналіста Кейсі Ньютона, Масад расказаў, што кодынгавыя асістэнты кардынальна змянілі рутыну інжынераў, вызваліўшы ім час для вынаходніцкіх задач.

«Ты пастаянна спрабуеш куча ідэй, штормішся на шалёных хуткасцях. Яшчэ два гады таму ўсе сядзелі, уткнуўшыся ў клавіятуры, і ў офісе стаяў бесперапынны стук клавіш. Цяпер жа атмасфера стала значна больш дынамічнай і драйвовай», — адзначыў Масад.

Інвестары, праўда, гэтага энтузіязму не падзяляюць: паніка наконт таго, што кампаніі змогуць збіраць любы софт самі замест куплі гатовых падпісак, ператрэсла рынкі ў пачатку года. Распрацоўшчыкі прызнаюцца, што хуткі кодынг з ШІ прыводзіць да імклівага выгарання, а тэхнагіганты працягваюць скарачаць штаты. Дарэчы, той жа Марк Цукерберг пасля звальнення тысячы інжынераў з Meta растлумачыў, што скарачае кадры не дзеля аўтаматызацыі, а каб перанакіраваць бюджэты на закупку абсталявання для ШІ.

У самім Replit пераломны момант надышоў у 2025 годзе з выхадам магутных мадэляў Opus ад Anthropic. Масад успамінае, як спачатку ўпаў у ступар, усвядоміўшы, што нейрасеткі пішуць код лепш за людзей, і ягоная жыццёвая місія вучыць людзей кодынгу губляе ўсялякі сэнс. Але кампанія хутка перастроілася: цяпер яны робяць акцэнт не на навучанні, а на вайб-кодынгу.

Цяпер інжынеры Replit больш часу праводзяць каля маркернай дошкі, толькі перыядычна адцягваючыся на тое, каб адправіць чарговую задачу ШІ-агенту.

«Ты ствараеш культуру, у якой будаваць новыя рэчы — гэта сапраўды весела. Культуру, дзе няма пастаяннага жорсткага стрэсу і напружання», — рэзюмуе Масад.