Адзіная міжнародная ПС у Расіі пачала ўводзіць абмежаванні для мясцовых картак

Цяпер трымальнікі гэтых карт змогуць здымаць не больш за 50 тысяч юаняў (прыкладна $7180) на дзень або эквівалент гэтай сумы ў іншых валютах, а таксама не больш за 500 тысяч юаняў на год або эквівалент гэтай сумы ў іншых валютах.

Банк параіў кліентам пры неабходнасці зняцця гатоўкі ў банкаматах звыш ліміту аформіць дадатковую карту UnionPay. У іншым банку падкрэслілі, што безнаяўныя аперацыі не абмяжоўваюцца.

У сакавіку 2022 года, пасля пачатку вайны ва Украіне і ўводу маштабных санкцый супраць расійскага фінансавага сектара, з Расіі сышлі найбуйнейшыя міжнародныя плацежныя сістэмы Visa і Mastercard. Іх замежныя карты не працуюць у Расіі, а расійскія — за мяжой. UnionPay застаецца адзінай міжнароднай ПС, якая працягвае працаваць у Расіі. Афіцыйна кампанія ніяк не абвяшчала пра абмежаванні працы з санкцыйнымі банкамі, але ўвесну стала вядома, што яна забараніла выпускаць свае карты такім банкам. Крыніцы РБК сцвярджаюць, што гэта звязана з бояззю другасных санкцый.