Алеся Чапкевич bel 9 верасня 2025, 12:44

Экс-кіраўніка PR-службы МТС асудзілі за ўдзел у пратэстах

39-гадовую мінчанку Марыю Пазняк асудзілі па палітычным артыкуле. Пра гэта паведамляюць беларускія праваабаронцы.

Пазняк асудзілі ў сярэдзіне года па ч. 1 арт. 342 КК за «ўдзел у дзеяннях, якія груба парушаюць грамадскі парадак». Сутнасць абвінавачвання і прысуд невядомыя. Вядома, што жанчыне прызначылі хатнюю хімію.

Пазняк больш за 20 гадоў працуе ў сферы маркетынгу. У 2020 годзе яна ўзначаліла PR-аддзел МТС, а ў 2023-м перайшла ў Kaspersky Group на пазіцыю старшага менеджара па маркетынгу.

За час працы Пазняк рэалізавала шэраг буйных праектаў, напрыклад па абароне дзяцей, і за адзін з іх атрымала некалькі прэстыжных прэмій. Таксама яна ўваходзіць у трыццатку самых эфектыўных маркетолагаў Беларусі.