Былы супрацоўнік сацсеткі Ахмад Абуама прысуджаны да трох з паловай гадоў турэмнага зняволення пасля таго, як быў прызнаны вінаватым у шпіянажы на карысць Саудаўскай Аравіі.
Былы супрацоўнік сацсеткі Ахмад Абуама прысуджаны да трох з паловай гадоў турэмнага зняволення пасля таго, як быў прызнаны вінаватым у шпіянажы на карысць Саудаўскай Аравіі.
Паводле даных Reuters, Абуама працаваў у Twitter ад 2013 да 2015 года. На працягу гэтага часу ён выкарыстаў сваю пасаду менеджара па партнёрстве са СМІ на Блізкім Усходзе і ў Паўночнай Афрыцы. Падчас сваёй працы супрацоўнік перадаваў уладам Саудаўскай Аравіі інфармацыю пра карыстальнікаў, якія крытыкуюць урад краіны.
Агенцтва адзначае, што Абуама атрымаў у падарунак ад саудаўскага чыноўніка гадзіннік коштам $42 тысячы, а таксама два банкаўскія пераказы на суму $100 тысяч. У абмен ён падаў інфармацыю пра двух карыстальнікаў сацсеткі, уключна з нумарамі іх тэлефонаў і датамі нараджэння. Пасля сыходу з кампаніі Абуама працягваў спробы паўплываць на Twitter, каб той праверыў саудаўскія акаўнты або выдаліў паведамленні з крытыкай.
У 2019 годзе яму было выстаўленае абвінавачванне разам з іншым супрацоўнікам Twitter, якога падазравалі ў наданні доступу да тысяч акаўнтаў ураду Саудаўскай Аравіі. Другі абвінавачаны пакінуў ЗША да выстаўлення абвінавачванняў. Раней былы начальнік службы бяспекі Twitter Пейтэр Затка заявіў, што ўрады Кітая і Індыі таксама ўкаранілі агентаў у кампанію. «Нам проста не хапала магчымасці самастойна высочваць агентаў замежных выведак і высылаць іх», — заявіў ён юрыдычнаму камітэту Сената ў верасні.
Рэлацыраваліся? Цяпер вы можаце каментаваць без верыфікацыі акаўнта.