Николай Чикишев 2 снежня 2022, 17:36

«Twitter — гэта не аўтамабілі і не ракеты»: Стывен Кінг зноў крытыкуе Маска

Пісьменнік зноў выказаўся пра кіраўніка сацсеткі ў сваіх апошніх твітах.

«Я думаю, што Ілан Маск — візіянер. Ён практычна сам-адзін змяніў уяўленне амерыканцаў пра аўтамабілі. У мяне ёсць Tesla, і я люблю яе», — напісаў Кінг, а потым выступіў з крытыкай бізнэсоўца. «Аднак ён [Маск] жудасны для Twitter. Падобна на тое, што ён прыдумляе ўсё на хаду».

«Майце на ўвазе, што я ніколі не казаў, што Маск СТВАРЫЎ Tesla. Ён гэтага не рабіў. Ён проста дамогся поспеху, нягледзячы ні на што. Калі вы сапраўды хочаце зразумець, наколькі гэта надзвычайна, проста зірніце на DeLorian. Twitter — гэта не аўтамабілі. І Twitter — гэта не ракеты», — дадаў ён.

Маск вырашыў адказаць пісьменніку. «Мэта палягае ў тым, каб пабудаваць надзейную лічбавую пляцоўку, дзе дапускаецца шырокі спектр меркаванняў пры ўмове, што людзі не парушаюць закону і не спамяць. Так, напрыклад, любое падбухторванне да гвалту прывядзе да блакавання акаўнта. Прапановы вітаюцца, містар Кінг», — напісаў мільярдэр.