Бум будаўніцтва дата-цэнтраў для ШІ ў ЗША прывёў да рэзкага росту цэн на электраэнергію. Па дадзеных Bloomberg, у некаторых рэгіёнах, дзе з’явіліся такія ЦАД, аптовыя цэны на электрычнасць за апошнія пяць гадоў падскочылі на 267%. З-за гэтага мясцовым жыхарам становіцца ўсё цяжэй аплочваць рахункі.
Бум будаўніцтва дата-цэнтраў для ШІ ў ЗША прывёў да рэзкага росту цэн на электраэнергію. Па дадзеных Bloomberg, у некаторых рэгіёнах, дзе з’явіліся такія ЦАД, аптовыя цэны на электрычнасць за апошнія пяць гадоў падскочылі на 267%. З-за гэтага мясцовым жыхарам становіцца ўсё цяжэй аплочваць рахункі.
Рост цэн асабліва прыкметны ў раёнах побач з новымі цэнтрамі апрацоўкі дадзеных, дзе шматкроць ўзрасла нагрузка на энергасістэмы. Bloomberg прыводзіць прыклад 57-гадовага Кевіна Стэнлі, які жыве на дапамогу па інваліднасці: за тры гады яго рахункі выраслі на 80%. У іншай амерыканкі з Вірджыніі тарыфы падскочылі больш чым на 25%. Іншыя жыхары таксама скардзяцца, што з-за росту цэн у іх амаль не застаецца сродкаў да існавання.
Па прагнозах, сітуацыя можа толькі пагоршыцца. Многія найбуйнейшыя праекты дата-цэнтраў, пра якія кампаніі абвесцілі ў гэтым годзе, пакуль нават не пачалі будавацца. Але калі яны запрацуюць, энергаспажыванне будзе каласальным. Па ацэнках, да 2035 года амаль 10% усяго попыту на электраэнергію ў ЗША будзе прыходзіцца менавіта на дата-цэнтры.
Некаторыя кампаніі ўжо шукаюць альтэрнатывы, каб не перагружаць мясцовыя сеткі. Напрыклад, дата-цэнтр Colossus, створаны xAI, працуе за кошт дзясяткаў спецыяльна ўсталяваных газавых турбін. Ілан Маск набыў за мяжой цэлую электрастанцыю для сваіх ШІ-праектаў, каб перавезці яе ў ЗША. У тэорыі гэта можа стабілізаваць ці нават знізіць цэны на электрычнасць для прылеглых рэгіёнаў, калі магутнасці будуць выкарыстоўвацца не цалкам.
Аднак застаецца адкрытым пытанне экалогіі, таму што выпрацоўка энергіі для такіх аб’ектаў азначае дадатковыя выкіды. А паколькі попыт на магутнасці ШІ толькі расце, праблема будзе рабіцца ўсё вастрэйшай.
Релоцировались? Теперь вы можете комментировать без верификации аккаунта.