EPAM расказаў пра грошы ў беларускіх банках і рызыкі для бізнэсу

Актывы 

Актывы EPAM у Беларусі скарачаюцца апошнія 2,5 гады. Максімальны кошт актываў за гэты перыяд быў у ліпені 2021 года — 78 мільёнаў долараў. На канец мінулага года актывы кампаніі ў Беларусі ўжо ацэньваліся ў 49,9 мільёна долараў.

Усяго за 2,5 гады кошт актываў знізіўся амаль на 30 мільёнаў долараў (-36%), у тым ліку за мінулы год — на 7,4 мільёна долараў (-13%).

Тым не менш па кошце актываў Беларусь выйшла на другое месца сярод асноўных лакацый, абышоўшы за мінулы год ЗША.

Асноўныя актывы EPAM па-ранейшаму ва Украіне. Іх кошт на канец мінулага года ацэньваўся ў 62,7 мільёна долараў. За год сума актываў скарацілася на 10%.

Кошт актываў ЗША за год скараціўся амаль на 40% — ад 68,8 мільёна долараў да 42,5 мільёна долараў. 

Агульны кошт актываў EPAM таксама скараціўся за мінулы год. Калі на канец 2022 года агульныя актывы ацэньваліся ў 273,3 мільёна долараў, то на канец мінулага года — у 235 мільёнаў долараў (-14%).

EPAM яшчэ з 2022 года перастаў публікаваць звесткі пра кошт актываў у Расіі. Як адзначаецца ў справаздачнасці, летась кампанія завяршыла продаж пакінутых расійскіх актываў. На пачатку жніўня 2023 года стала вядома, што EPAM прадаў расійскую юрыдычную асобу ТАА «Эпам Сістэмз» расійскай групе «Рэксофт».

Сума ўгоды не агучвалася. Але пазней кампанія паведаміла, што зафіксавала страту ад продажу пакінутых у Расіі актываў у памеры 25,9 мільёна долараў. 

У справаздачнасці EPAM таксама гаворыцца, што на канец мінулага года ў кампаніі больш не засталося супрацоўнікаў у Расіі. Адзначаецца, што ў 2022 годзе выдаткі на звальненне супрацоўнікаў у Расіі перавысілі 17 мільёнаў долараў. У 2023 годзе такіх выдаткаў не было. 

Грошы на рахунках у банках

З Беларусі EPAM не збіраецца сыходзіць, разам з тым беларуская каманда працягвае скарачацца. За мінулы год штат толькі вытворчых спецыялістаў зменшыўся на 20%+ да 3,5 тысячы чалавек. Агульны штат кампаніі ў Беларусі скараціўся прыкладна на чвэрць да 4,5+ тысяч чалавек.

Мяркуючы са справаздачнасці, гэта не адбілася на грашовых рэсурсах для аперацыйных патрэб і працы офіса. На канец мінулага года на рахунках EPAM у беларускіх банках было 38+ мільёнаў долараў — на 10 мільёнаў долараў больш, ніж на канец 2022 года.

EPAM між тым паказвае на рызыкі захоўвання сродкаў у банках Беларусі, у прыватнасці, праз вайну ва Украіне. «Далейшае зацягванне або эскалацыя ваеннага канфлікту ва Украіне можа прывесці да банкаўскага крызісу ва Украіне, Беларусі або ў рэгіёне», — гаворыцца ў справаздачнасці кампаніі.

EPAM асцерагаецца, што крызіс або неплацежаздольнасць банкаў можа негатыўна адбіцца на магчымасці кампаніі праводзіць фінансавыя аперацыі і весці бізнэс. Таксама негатыўна на дзейнасці кампаніі можа адбіцца ўзмацненне санкцый у дачыненні да Беларусі з боку ЕС і ЗША, мяркуюць у EPAM.

Якія яшчэ рызыкі бачыць EPAM

EPAM працягвае ўлічваць у ліку негатыўных фактараў уплыву на бізнэс у Беларусі і магчымыя маёмасныя прэтэнзіі з боку беларускіх уладаў.

У прыватнасці, кампанія адзначае, што беларускае заканадаўства дазваляе канфіскаваць маёмасць у замежных (або тых, што «знаходзяцца пад кантролем замежных») фізічных і юрыдычных асоб за дзеянні, якія «лічацца недружалюбнымі» ў дачыненні да Беларусі.

EPAM, Wargaming, IBA Gomel Park внесли в список юрлиц с акционерами из недружественных стран

Па тэме

EPAM, Wargaming, IBA Gomel Park внесли в список юрлиц с акционерами из недружественных стран

Таксама кампаніі з замежнымі ўласнікамі могуць перадаць пад вонкавае кіраванне, звяртае ўвагу кампанія.

На канец мінулага года EPAM быў уласнікаў двух аб’ектаў нерухомасці ў Мінску — бізнэс-цэнтра «Клевер Парк», які будавала ізраільская Fishman Group і офіснага будынка на вул. Купрэвіча, куды кампанія пераехала ў 2015 годзе.

Дзякуй, што чытаеце нас, дарагі юзер. Некалькі разоў на тыдзень (часам радзей, і дарма) вы заходзіце на dev.by. Часы бываюць розныя (наш cash flow  упаў у разы, напрыклад).

Але нягледзячы на жах за акном, мы працягваем працаваць, слухаць і чуць вас, знаходзіць абнадзейлівыя гісторыі, зашкварныя выпадкі, фіксаваць усё, што адбываецца з беларускім ІТ. Дапамажыце dev.by заставацца з вамі. Мы вам яшчэ спатрэбімся.

Сапорціце dev.by праз Patreon, Donorbox (зручна ў Беларусі) або крыпту:

• Bitcoin (BTC): 0×276e0eC1bf16cfB5E0934382B6e09Ce1836b28Ba
• Etherium (ETH): bc1q2ghxe9fmtmwr4sgz27k58j9ql0vfs25ucxlx5t

Дзякуй. Калі плацеж штомесячны — дзякуй два разы!

У былым офісе EPAM у Мінску адкрылі гастрамол «у стылі завода робатаў»

Па тэме

У былым офісе EPAM у Мінску адкрылі гастрамол «у стылі завода робатаў»

EPAM у Беларусі «адкінула» на 10 гадоў таму. Што з камандамі ў розных краінах

Па тэме

EPAM у Беларусі «адкінула» на 10 гадоў таму. Што з камандамі ў розных краінах

EPAM даў справаздачу за няпросты год. Глабальная каманда — мінус 10%

Па тэме

EPAM даў справаздачу за няпросты год. Глабальная каманда — мінус 10%

Каго шукаюць і якую зарплату прапануюць EPAM, Wargaming і іншыя ў Літве на пачатку 2024

Па тэме

Каго шукаюць і якую зарплату прапануюць EPAM, Wargaming і іншыя ў Літве на пачатку 2024

EPAM и другие хайрят в Польше, хоть и не так активно. Вот кого и на какие деньги

По теме

EPAM и другие хайрят в Польше, хоть и не так активно. Вот кого и на какие деньги