EPAM зноў першы па падатках у літоўскім ІТ. Яны выраслі 4Х (у Wargaming таксама)

Паводле звестак Дзяржаўнай падатковай інспекцыі пры літоўскім Мінфіне, за студзень–чэрвень EPAM Sistemos заплаціла ў літоўскі бюджэт амаль 11 мільёнаў еўра падаткаў. Гэта ў 4 разы больш, ніж за аналагічны перыяд мінулага года (2,7 мільёна еўра). Больш за тое, сума падатковых адлічэнняў ужо большая, ніж за ўвесь мінулы год.

Нагадаем, у 2022 годзе кампанія заплаціла ў літоўскі бюджэт 10,4 мільёна еўра падаткаў, то-бок на 0,6 мільёна долараў менш, ніж за шэсць месяцаў гэтага года.

Пры захаванні бягучай дынамікі адлічэнняў агульная сума падаткаў па выніках гэтага года можа вырасці да 25 мільёнаў еўра. Калі за першы квартал бюджэт Літвы атрымаў ад EPAM 4 мільёны еўра падаткаў, то за другі квартал у 1,5 разу больш — каля 7 мільёнаў еўра.

Літоўскі офіс EPAM па-ранейшаму самы буйны сярод ІТ-кампаній з беларускімі каранямі. У двух офісах — Вільні і Коўне — зарэгістравана больш за 1,4 тысячы супрацоўнікаў. Праўда, ад пачатку года агульная колькасць спецыялістаў нязначна скарацілася за кошт віленскага офіса. На дадзены момант тут зарэгістравана каля 1360 чалавек, у камандзе офіса ў Коўне — 110 супрацоўнікаў.

Літоўская «дачка» Wargaming па выніках першага паўгоддзя заплаціла ў бюджэт Літвы 8,2 мільёна еўра падаткаў. Гэта ўсяго на 0,3 мільёна еўра менш, ніж за ўвесь мінулы год. За паўгоддзе падатковыя адлічэнні выраслі ў 3,5 разы. Пры гэтым у адрозненне ад EPAM другі квартал для Wargaming выявіўся менш «прадукцыйным» за першы. Калі за студзень–сакавік кампанія заплаціла 5,2 мільёна еўра падаткаў, то за красавік–чэрвень — толькі 3 мільёны еўра.

На гэты момант у літоўскім офісе Wargaming зарэгістравана 979 супрацоўнікаў. Сёлета на піку іх было крыху больш за тысячу чалавек.

І EPAM Sistemos, і Wargaming Vilnius па выніках першага паўгоддзя чакана апынуліся ў топ-100 найбуйнейшых падаткаплацельшчыкаў Літвы. Дачка EPAM апынулася на 55 месцы ў рэйтынгу, а дачка Wargaming на 73 месцы.

У топ-50 падаткаплацельшчыкаў сектара «інфармацыя і сувязь» апынуліся яшчэ чатыры кампаніі з беларускімі каранямі: Andersen (4,4 мільёна еўра выплачаных падаткаў), Gurtam (2,6 мільёна еўра), Melsoft (2,4 мільёна еўра), Flo (1,5 мільёна еўра).

dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў. Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам і ўвагай. А 210 чытачоў падтрымліваюць нас данатамі.

У 2023 годзе мы хочам сабраць 1000 чытачоў-падпісчыкаў. 

Дапамагчы нам можна праз Patreon. 

З Беларусі — праз Donorbox.

І яшчэ крыптой, тут гаманцы.

Дзякуй, што прачыталі гэтае паведамленне.