Google нібыта пералічыла мільёны долараў Activision Blizzard за тое, каб студыя адмовілася ад намераў запускаць уласныя крамы праграм пад Android і не дазваляла іншым распрацоўшчыкам публікаваць гульні ў альтэрнатыўных крамах.
Google нібыта пералічыла мільёны долараў Activision Blizzard за тое, каб студыя адмовілася ад намераў запускаць уласныя крамы праграм пад Android і не дазваляла іншым распрацоўшчыкам публікаваць гульні ў альтэрнатыўных крамах.
Паводле звестак Bloomberg, пра гэта гаворыцца ў судовых дакументах, пададзеных Epic Games. Паводле версіі распрацоўшчыка, у студзені 2020 года Google пагадзілася выплаціць Activision Blizzard $360 мільёнаў на працягу трох гадоў. У выніку кампаніі нібыта дамовіліся выпускаць гульні студыі спачатку ў Play Store, а затым на астатніх пляцоўках. У сакавіку 2020 года Epic Games таксама заявіла суду, што Google уклала аналагічнае пагадненне на $30 мільёнаў з Riot Games, які ўваходзіць у холдынг Tencent.
І Google, і Activision Blizzard катэгарычна адкінулі версію Epic Games. Прадстаўнік Google пацвердзіў, што ўгода сапраўды была ўкладзеная, але яна не забараняе студыі запускаць уласную краму праграм. Гаворка вядзецца пра праграму Project Hug, якая ўтрымлівае вядучых распрацоўшчыкаў у Play Store і стымулюе іх на прыярытэтнае размяшчэнне новага кантэнту на пляцоўцы. У Activision Blizzard назвалі заяву Epic Games «лухтой» і падкрэслілі, што Google ніколі не прасіла і не ціснула на распрацоўшчыка.
Рэлацыраваліся? Цяпер вы можаце каментаваць без верыфікацыі акаўнта.