Еўракамісія запатрабавала ад кампаніі на працягу сутак растлумачыць, як яна ацэньвала рызыкі выкарыстання новай праграмы TikTok Lite. Сэрвіс дае карыстальнікам магчымасць «выконваць заданні і атрымліваць узнагароды».
Еўракамісія запатрабавала ад кампаніі на працягу сутак растлумачыць, як яна ацэньвала рызыкі выкарыстання новай праграмы TikTok Lite. Сэрвіс дае карыстальнікам магчымасць «выконваць заданні і атрымліваць узнагароды».
За прагляд відэа, прастаўленне лайкаў і падпіскі на іншых юзераў карыстальнікі атрымаюць купоны Amazon, падарункавыя карты PayPal і ўнутраную валюту TikTok, якую можна выкарыстоўваць для адпраўкі гасцінцаў іншым карыстальнікам. У Google Play пазначана, што праграма падыходзіць для падлеткаў і з’яўляецца спрошчанай версіяй асноўнай.
На азіяцкім рынку TikTok Lite з’явіўся некалькі гадоў таму, у красавіку гэтага года праграма дэбютавала ў Іспаніі і Францыі. Еўракамісар у пытаннях унутранага рынку Цьеры Брэтон заявіў, што рэгулятар адправіў запыт кампаніі, каб высветліць, ці адпавядаюць функцыі праграмы новаму закону «Аб лічбавых сэрвісах» ЕС (DSA).
Еўракамісію ў першую чаргу цікавіць «патэнцыйны ўплыў новай праграмы Task and Reward Lite на непаўналетніх, а таксама на псіхічнае здароўе карыстальнікаў, у прыватнасці, у дачыненні да патэнцыйнай стымуляцыі адыктыўных паводзін». Сацсетка паабяцала даць найбольш важную інфармацыю адразу і ўсю астатнюю — да 26 красавіка.
Рэлацыраваліся? Цяпер вы можаце каментаваць без верыфікацыі акаўнта.