«Гэта неразумна»: тэхдырэктар Ernst & Young кажа, што супрацоўнікаў не трэба навучаць ШІ

Ноэл не згаджаецца з прагнозамі аб тым, што ШІ прывядзе да росту беспрацоўя і чарговай Вялікай дэпрэсіі. «Цікава паразважаць над такімі альтэрнатывамі. Але я бачу іншую карціну», — адзначыў топ-менеджар.

Ён лічыць, што ў бліжэйшы год кампаніі будуць усё больш укараняць разнастайных ШІ-асістэнтаў кшталту ChatGPT, а таксама адкрытыя і прапрыетарныя мадэлі. ШІ будзе ўбудоўвацца ў існуючыя карпаратыўныя праграмы і павышаць прадуктыўнасць працы.

У EY працуюць над карпаратыўнай аплікацыяй новага пакалення — візуальнымі інтэрфейсамі, заточанымі пад патрэбы карыстальнікаў на канкрэтных пасадах. Гэта ШІ-агенты, якія генеруюць прагнозы і прапановы, якія супрацоўнікі могуць ацаніць і ўхваліць. Пілотныя такія праекты карпарацыя ўжо рэалізуе разам з буйнымі кліентамі, і, паводле слоў Ноэла, яны неверагодна паспяховыя. Гаворка ідзе пра шчыльнае ўзаемадзеянне жывога персаналу і лічбавых тэхналогій, калі апошнія гарманічна пашыраюць магчымасці першых.

З гэтага вынікае пытанне аб неабходнасці навучання супрацоўнікаў ШІ. Паколькі ўся патрэбная інфармацыя будзе выводзіцца аплікацыяй на экран у гатовым выглядзе, людзям не спатрэбіцца ведаць, як уладкавана тэхналогія знутры, кажа Ноэл: «Вучыць увесь персанал выкарыстоўваць ШІ — я думаю, гэта неяк неразумна».

Топ-менеджар дадаў, што ШІ прывядзе да пераасэнсавання прафесій і падыходаў да працы. «Вы не проста даяце людзям тэхналогію на базе ШІ, вы дазваляеце ім пераасэнсаваць тое, як яны робяць сваю працу і як яе можна рабіць эфектыўней, прыносячы больш карысці», — адзначыў ён.

Фаўндар LinkedIn: людзі недаацэньваюць уплыў ШІ на рынак працы, але катастрофы не будзе

Па тэме

Фаўндар LinkedIn: людзі недаацэньваюць уплыў ШІ на рынак працы, але катастрофы не будзе