Николай Чикишев 4 верасня 2023, 15:23

«Гэта першы залп»: Бацька Маска заявіў, што яго сына могуць забіць

Эрал Маск заявіў журналістам, што яго сыну пагражае небяспека праз уплывовасць бізнэсоўца.

Раней у The New Yorker выйшаў артыкул пра Ілана Маска, у якім гаварылася пра ўплыў мільярдэра на рашэнні амерыканскага ўрада адносна вайны ва Украіне. Паводле звестак выдання, чыноўнікі Мінабароны ЗША ставіліся да Маска як да «неабіральнай службовай асобы» і выказвалі занепакоенасць з нагоды яго размоў з Уладзімірам Пуціным.

Бацька Маска заявіў, што артыкул — «гэта хіт, спансаваны ценявым урадам, першы залп па Ілане». Эрал Маск выказаў здагадку, што сыну пагражае небяспека і яго могуць забіць. Раней у маі 2022 года Маск пажартаваў, што можа «памерці пры загадкавых абставінах» пасля сваркі ў сацсетках з кіраўніком Раскосмаса Дзмітрыем Рагозіным з нагоды перадачы тэрміналаў Starlink украінскім жаўнерам.

Паводле даных BBC, у штаб-кватэры X Маска пастаянна суправаджаюць два целаахоўнікі. Таксама бізнэсовец неаднаразова быў занепакоены сачэннем за сваім прыватным самалётам. Карыстальнікаў, якія дзяліліся спасылкамі ў Twitter на пасты акаўнта @ElonJet, часова забанілі ў сацсетцы.