Былы топ-менеджар Google і Facebook Эрык Антонаў прыдумаў і запусціў у вытворчасць дзіўную прыладу — Methaphone, празрысты прастакутнік з акрылу, які звонку нагадвае смартфон. Яна нічога не робіць і гэтым дапамагае тым, хто стаміўся ад лічбавай залежнасці.
Былы топ-менеджар Google і Facebook Эрык Антонаў прыдумаў і запусціў у вытворчасць дзіўную прыладу — Methaphone, празрысты прастакутнік з акрылу, які звонку нагадвае смартфон. Яна нічога не робіць і гэтым дапамагае тым, хто стаміўся ад лічбавай залежнасці.
Антонаў упершыню пажартаваў пра «аналагавы тэлефон» у коле сям'і, параўноўваючы сваю цягу да экрана з наркатычнай залежнасцю. «У гераінавых наркаманаў ёсць метадон, а ў айфон-залежных будзе Methaphone», — сказаў ён. Жарт ператварыўся ў ідэю: праз некалькі дзён з дапамогай ChatGPT ён згенераваў канцэпт празрыстай прылады і запусціў краўдфандынг. Першая партыя са 100 штук па $25 была распрададзена імгненна.
Methaphone — гэта не гаджэт, а рытуальны прадмет, тлумачыць распрацоўшчык. Ён выглядае як iPhone: гладкая, 6-цалевая празрыстая пласціна з закругленымі кутамі і зялёнымі краямі. Яго мэта — імітаваць адчуванні ад тэлефона: трымаць у руцэ, класці ў кішэню, машынальна чапаць — але без экрана, без апавяшчэнняў, без дафамінавага цыкла.
@askcatgpt Completely clear phone spotted in San Francisco on May 14…?! Wtf?????? 🤭🤫 Link in bio for more deets. (NOT SPONSORED)
♬ original sound — CatGPT
Праект імгненна стаў вірусным пасля тіктока блогеркі Кэтрын Гётце, у якім яна «скроліла» Methaphone у чарзе ў кавярні. Ролік набраў больш за 53 мільёны праглядаў, і Methaphone імгненна раскупілі. Тады Антонаў пачаў думаць не толькі пра продажы, але і пра інтэграцыю: напрыклад, рэстараны маглі б прапаноўваць Methaphone кліентам як альтэрнатыву рэальным тэлефонам.
Раней у 2014 годзе з’явіўся NoPhone — пластыкавы «анты-гаджэт», які парадзіруе смартфоны. Але ў адрозненне ад яго, Methaphone бліжэй да псіхалагічнай практыкі: рытуал застаецца, стымул — знікае. Прафесар медыцыны Стэнфардскага ўніверсітэта і аўтар кнігі Dopamine Nation Анна Лембке параўноўвае гэта з нікатынавымі замяняльнікамі: «Вы робіце ўсё тое ж самае — але не атрымліваеце дозу».
У дадатак да Methaphone Антонаў цяпер прапануе налепкі з «аналагавымі аплікацыямі»: Walk, Read, See Friends, Daydream. З іх дапамогай пусты «экран» ператвараецца ў напамін пра тое, што за межамі смартфона таксама ёсць жыццё.
Рэлацыраваліся? Цяпер вы можаце каментаваць без верыфікацыі акаўнта.
ой все. расходимся. очередная "просветленная" зарабатывает на обчныйх енотах из офиса.
мы сами выбираем от какого дофамина нам задохнуться.
Вибрирует?