Чэрвень 2026 года стаў для Microsoft сапраўдным кашмарам. Акцыі софтвернага гіганта абрынуліся адразу на 18,4%. Гэта найгоршы месячны паказчык кампаніі са снежня 2000 года, калі лопнула бурбалка доткамаў, піша Bloomberg. Толькі за адзін месяц рынкавая капіталізацыя кампаніі скарацілася на $613 млрд.
Чэрвень 2026 года стаў для Microsoft сапраўдным кашмарам. Акцыі софтвернага гіганта абрынуліся адразу на 18,4%. Гэта найгоршы месячны паказчык кампаніі са снежня 2000 года, калі лопнула бурбалка доткамаў, піша Bloomberg. Толькі за адзін месяц рынкавая капіталізацыя кампаніі скарацілася на $613 млрд.
Інвестары б’юць трывогу адразу па двух франтах: велізарныя выдаткі на ШІ і страх, што новыя тэхналогіі цалкам разбурыць звыклы бізнес кампаніі. Microsoft траціць каласальныя грошы на інфраструктуру — да канца снежня капітальныя выдаткі складуць $190 млрд, што аказалася значна вышэй прагнозаў Уол-стрыт. Пры гэтым свежая квартальная справаздача паказала даволі млявы рост воблачнага бізнесу Azure, а аналітыкі Cresset Wealth Advisors адзначаюць, што кампаніі даводзіцца выходзіць на аблігацыйны рынак дзеля пазык, бо ўласных запасаў кэшу на ШІ-будаванне ўжо не хапае. Больш за тое, на рынку расце экзістэнцыяльны страх: ці выжывуць наогул класічныя Word і Excel у свеце нейрасетак, якія перамаглі.
Абвал прывёў да таго, што Microsoft цяпер ацэньваецца максімальна танна за апошняе дзесяцігоддзе — яе мультыплікатар P/E упаў да 19, што нават ніжэй сярэдняга паказчыка па рынку S&P 500. На гэты распродаж ужо адгукнуўся легендарны інвестар Майкл Б’юры, які прадказаў крах іпатэчнага рынку ЗША ў 2008 годзе. Ён абвясціў, што закупіўся кол-апцыёнамі на акцыі Microsoft са страйкам у раёне $700 і экспірацыяй у 2028 годзе. Адно толькі гэта паведамленне ў пятніцу падкінула акцыі кампаніі на 5,7% да $372,97 за штуку.
Нягледзячы на бягучы песімізм, у кампаніі застаюцца моцныя фундаментальныя паказнікі. Чакаецца, што выручка Microsoft за бягучы фінансавы год вырасце на 17% — гэта самы хуткі тэмп росту з 2022 года, а да 2029-га аналітыкі прагназуюць паскарэнне да 20%. Партфельныя менеджары прызнаюць, што бягучыя цэны — гэта эпічная магчымасць для доўгатэрміновай пакупкі, але пакуль аддаюць перавагу сціснуць зубы і перачакаць шторм, бо нераозуменне рэальных перспектываў ШІ будзе бударажыць рынак яшчэ нейкі час.
Релоцировались? Теперь вы можете комментировать без верификации аккаунта.