15 ліпеня ў Фінляндыі ўступіла ў сілу забарона на ўгоды з нерухомасцю для грамадзян і юрасоб з Беларусі і Расіі. Прапанова ўрада аб забароне была ўхвалена фінскім парламентам 11 красавіка, а ў ліпені адпаведная пастанова была прынятая мясцовым урадам.
15 ліпеня ў Фінляндыі ўступіла ў сілу забарона на ўгоды з нерухомасцю для грамадзян і юрасоб з Беларусі і Расіі. Прапанова ўрада аб забароне была ўхвалена фінскім парламентам 11 красавіка, а ў ліпені адпаведная пастанова была прынятая мясцовым урадам.
Дакумент забараняе выдаваць дазвол на куплю жылля, зямельных участкаў і камерцыйнай нерухомасці прадстаўнікам краін, якія парушылі тэрытарыяльную цэласнасць і суверэнітэт іншай дзяржавы або ўяўляюць пагрозу нацбяспецы Фінляндыі. Да такіх краін урад аднёс Расію і Беларусь.
Забарона распаўсюджваецца на грамадзян гэтых краін і на зарэгістраваныя там юрасобы. Выключэнні зробленыя для уладальнікаў фінскага ПМЖ або доўгатэрміновага віда на жыхарства ў ЕС, выдадзенага Фінляндыяй. Таксама забарона не датычыцца куплі нерухомасці сумесна з мужам ці жонкай, у якіх ёсць дазвол. Яна закране каля 350 грамадзян Беларусі і каля 20 тысяч расіян, у якіх няма пастаяннага віда на жыхарства ў Фінляндыі.
Раней купленая рэзідэнтамі Беларусі і Расіі нерухомасць застанецца ў іх уласнасці.
Аб увядзенні абмежаванняў паведаміў міністр абароны Фінляндыі Антці Хякк’янен у Х. Ён адзначыў, што гэту меру трэба было прыняць яшчэ да нападу Расіі на Украіну, але яна ўвесь час адкладвалася, і ён вельмі цешыцца, што гэта нарэшце адбылося.
Релоцировались? Теперь вы можете комментировать без верификации аккаунта.