Flo прыцягвае $200 млн. Кампанія нарэшце аднарог!

Flo Health прыцягнула $200 млн у раўндзе серыі C ад глабальнага фонду прамых інвестыцый General Atlantic, паведамляе Techcrunch.

Ацэнка кампаніі пасля раўнда перавысіла $1 млрд, што, на думку самой Flo, робіць яе першай «чыста лічбавай» фемтэх-праграмай, якая стала аднарогам.

Flo заяўляе, што на дадзены момант яна абслужыла каля 380 млн карыстальнікаў ва ўсім свеце, а ў моманце ў яе 70 млн актыўных юзераў бясплатнай версіі праграмы на месяц, плюс яшчэ 5 млн чалавек плацяць за прэміум-версію.

Грошы пойдуць на прыцягненне новых кліентаў, у тым ліку старэйшага ўзросту, з акцэнтам на менапаўзу і прэменапаўзу. Акрамя гэтага, магчыма, Flo набудзе іншую кампанію, патэнцыйна з яшчэ большай падтрымкай ад General Atlantic.