Fortnite неўзабаве вернецца ў iOS, але толькі ў ЕС

Таксама Epic Games раней анансавала планы запусціць у ЕС уласны магазін мабільных гульняў. Гэта стала магчыма напярэдадні ўступлення ў сілу ў сакавіку гэтага года закона ЕС «Аб лічбавых рынках» (DMA). Згодна з новымі правіламі, Apple абавязаная адкрыць iOS для іншых крам праграмаў.

«Я буду першым, хто прызнае добрасумленны крок Apple у нашай катастрафічнай антыманапольнай бітве за прадастаўленне Epic Games Sweden AB уліковага запісу распрацоўшчыка для кіравання Epic Games Store і Fortnite ў Еўропе ў адпаведнасці з „Законам аб лічбавых рынках“», — заявіў кіраўнік Epic Games Цім Суіні.

Суіні і іншыя распрацоўшчыкі рэзка крытыкуюць новую палітыку Apple за рашэнне адкрыць мабільную экасістэму на несправядлівых умовах для партнёраў: камісіі для альтэрнатыўных крам і за выкарыстанне іншых плацежных сістэм аказваюцца нявыгаднымі.

У 2020 годзе акаўнт быў заблакаваны пасля таго, як Epic Games укараніла ў Fortnite для iOS уласную аплатную сістэму ў абыход App Store. У адказ Apple выдаліла гульню са сваёй крамы праграмаў. У выніку судовага разбору акаўнт не быў адноўлены.