Алеся Чапкевич world 29 ліпеня 2026, 10:57

ФСБ абвясціла Дурава ў міжнародны розыск па справе аб тэрарызме. Яму пагражае пакаранне аж да пажыццёвага зняволення

Павел Дураў абвешчаны ў міжнародны вышук. Пра гэта 29 ліпеня заявілі ў ФСБ Расіі, паведамляюць ТАСС і «Камерсант». Заснавальніку і кіраўніку Telegram прад’яўлены абвінавачванні па ч. 1.1 арт. 205.1 (садзейнічанне тэрарыстычнай дзейнасці) расійскага КК.

Telegram адрэагаваў на гэта ў Х толькі адной фатаграфіяй. Менавіта яе ў ліпені 2011 года Дураў апублікаваў у тагачасным Твітары ў адрас Mail.ru Group, назваўшы афіцыйным адказам на спробы холдынгу паглынуць ВКантакце.

2 каментарыя

ФСБ абвясціла Дурава ў міжнародны розыск па справе аб тэрарызме. Яму пагражае пакаранне аж да пажыццёвага зняволення

Павел Дураў абвешчаны ў міжнародны вышук. Пра гэта 29 ліпеня заявілі ў ФСБ Расіі, паведамляюць ТАСС і «Камерсант». Заснавальніку і кіраўніку Telegram прад’яўлены абвінавачванні па ч. 1.1 арт. 205.1 (садзейнічанне тэрарыстычнай дзейнасці) расійскага КК.

Telegram адрэагаваў на гэта ў Х толькі адной фатаграфіяй. Менавіта яе ў ліпені 2011 года Дураў апублікаваў у тагачасным Твітары ў адрас Mail.ru Group, назваўшы афіцыйным адказам на спробы холдынгу паглынуць ВКантакце.

Telegram не выдаляе «шматлікія каналы, чаты і боты», якія актыўна выкарыстоўваюць спецслужбы Украіны, а таксама тэрарыстычныя і экстрэмісцкія арганізацыі для падрыхтоўкі «масавых забойстваў, ажыццяўлення кіберамахлярскай дзейнасці», сцвярджаюць у ФСБ. Следствам сталі «шматлікія чалавечыя ахвяры, у тым ліку жанчыны і дзеці, а таксама шматмільярдная матэрыяльная шкода».

Паводле версіі ведамства, украінскія спецслужбы выкарыстоўвалі Telegram-бот для ўцягвання расіян у дыверсійную дзейнасць. З лета 2025 года па справе затрымалі 46 чалавек ва ўзросце ад 12 да 22 гадоў. Іх падазраваюць у нападах на сілавікоў, падпалах і пераводах грошай у крыптавалюце.

Указаны вышэй артыкул вызначае адказнасць за схіленне, вярбоўку або іншае ўцягванне асобы ў здзяйсненне хаця б аднаго з тэрарыстычных злачынстваў. Ён прадугледжвае ад 8 да 15 гадоў пазбаўлення волі з магчымым дадатковым штрафам да 700 тысяч RUB ($8820) альбо ў памеры заробку або іншага даходу асуджанага за перыяд ад двух да чатырох гадоў — або пажыццёвае пазбаўленне волі.

Дурава падазраваюць у садзейнічанні тэрарызму, заведзена крымінальная справа — расійскія СМІ

У лютым расійскія медыя са спасылкай на матэрыялы ФСБ паведамлялі, што дзеянні Дурава расследуюць у межах крымінальнай справы пра садзейнічанне тэрарызму. У матэрыялах справы адзначалася, што з 2022 года ў краіне было зарэгістравана 153 тысячы злачынстваў, здзейсненых з выкарыстаннем Telegram, у тым ліку арганізацыя тэракту ў «Крокус сіці холе», забойствы Дар'і Дугінай, Уладлена Татарскага, 9 топавых вайскоўцаў, а таксама выбухі і падпалы ваенкаматаў. За некалькі гадоў ФСБ нібыта прадухіліла 475 тэрактаў, якія рыхтаваліся праз Telegram, у тым ліку 61 масавае забойства падлеткамі ў школах. Акрамя таго, было зафіксавана каля 700 прамых пагроз чальцам сем’яў расійскіх вайскоўцаў.

Раскамнагляд накіраваў больш за 150 тысяч зваротаў да каманды Дурава з патрабаваннем выдаліць супрацьпраўны кантэнт, аднак яны, як адзначаецца, былі праігнараваны.