Крыптавалютная біржа падала ў суд на заснавальніка Сэма Бэнкмана-Фрыда, сузаснавальніка кампаніі Гэры Вана, экс-CEO хэдж-фонду Alameda Research Кэралайн Элісан і экс-CTO Нішада Сінгха.
Крыптавалютная біржа падала ў суд на заснавальніка Сэма Бэнкмана-Фрыда, сузаснавальніка кампаніі Гэры Вана, экс-CEO хэдж-фонду Alameda Research Кэралайн Элісан і экс-CTO Нішада Сінгха.
У пазове пазначана, што сябры былога кіраўніцтва парушылі фідуцыярныя абавязкі і прысвоілі сродкі кліентаў, якія былі выдаткаваныя на нерухомасць, спекулятыўныя інвестыцыі і «ўлюбёныя праекты». Таксама пазоўнікі сцвярджаюць, што Бэнкман-Фрыд перавёў $10 мільёнаў з бюджэту амерыканскага падраздзялення на асабісты рахунак і адправіў сродкі свайму бацьку, Алену Джозэфу Бэнкману.
Той выкарыстаў грошы для спекулятыўнага гандлю на платформе, рэшту выдаткаваў на юрыстаў, гаворыцца ў дакуменце. Таксама кіраўніцтва крыптабіржы паказала суду перапіску малодшага брата Бэнкмана-Фрыда Габрыэля з FTX Foundation, у якой ён піша пра магчымасць куплі ціхаакіянскай астраўной дзяржавы Науру.
Габрыэль прапануе стварыць на востраве «прытулак для абраных» на выпадак глабальнай катастрофы, разважае пра магчымасць правядзення генных эксперыментаў. У звароце пазначана, што яго старэйшы брат падтрымліваў гэтыя ініцыятывы. Акрамя таго, біржа запатрабавала вярнуць $71,5 мільёна ад фонду FTX Foundation і дабрачыннай арганізацыі Latona.
Сярод шматлікіх абвінавачванняў значыцца прысваенне Бэнкманам-Фрыдам акцый на суму ў $725 мільёнаў і Кэралайн Элісан бонусаў на больш як $28 мільёнаў. Частку гэтых сродкаў Элісан нібыта выдаткавала на асабістыя інвестыцыі. Кіраўніцтва біржы лічыць, што большая частка гэтых пераказаў адбылася, калі кампанія ўжо была неплацежаздольнай і топ-менеджмент ведаў пра гэта.
Бок абвінавачвання лічыць, што крыптабіржа збанкрутавала праз шматмільярднае махлярства топ-менеджменту і перш за ўсё Бэнкмана-Фрыда. Заснавальнік кампаніі не прызнае сябе вінаватым.
Рэлацыраваліся? Цяпер вы можаце каментаваць без верыфікацыі акаўнта.