Функцыя «Распазнавання аварый» на iPhone 14 і смарт-гадзінніку Apple прывяла да ўсплёску званкоў у службу 911 у перыяд нядаўняга музычнага фестывалю Bonnaroo ў горадзе Манчэстэр (штат Тэнэсі), паведамляе 9to5Mac. Ратавальнікі кажуць, што сёлета выклікаў паступіла ў 5 разоў больш, ніж мінулымі гадамі.
Функцыя «Распазнавання аварый» на iPhone 14 і смарт-гадзінніку Apple прывяла да ўсплёску званкоў у службу 911 у перыяд нядаўняга музычнага фестывалю Bonnaroo ў горадзе Манчэстэр (штат Тэнэсі), паведамляе 9to5Mac. Ратавальнікі кажуць, што сёлета выклікаў паступіла ў 5 разоў больш, ніж мінулымі гадамі.
У гэты раз фэст наведала больш за 80 тысяч чалавек. Ілжывыя званкі былі справакаваныя нястрымнай весялосцю і танцамі натоўпаў народу.
Прадстаўнікі службы выратавання звязаліся з Apple. Кампанія прапанавала выслаць на месца распрацоўшчыкаў, каб тыя дапамаглі разабрацца з праблемай і ўзяць сітуацыю пад кантроль, але ў выніку ўсё вырашылася праз тэлефон.
Паліцыя між тым папрасіла гасцей горада адключыць функцыю на час мерапрыемства. Пасля гэтага колькасць званкоў у 911, паводле слоў праваахоўнікаў, упала на 40-60%. Нягледзячы на пяціразовую нагрузку, ратавальнікі здолелі адказаць на ўсе выклікі і адгукнуцца на кожную сапраўдную аварыю.
Функцыя «Распазнавання аварый» дэбютавала на iPhone 14, Apple Watch Series 8, Apple Watch SE і Apple Watch Ultra летась. Кампанія пастаянна дапрацоўвае яе, каб знізіць колькасць ілжывых спрацоўванняў. Скаргі на функцыю раней паступалі з забаўляльных паркаў і гарналыжных курортаў. Тым не менш ёсць выпадкі, калі яна дапамагала ратавальнікам хутка рэагаваць на рэальныя здарэнні.
Рэлацыраваліся? Цяпер вы можаце каментаваць без верыфікацыі акаўнта.