Гейтс лічыць, што АІ-памочнікі заменяць Google і Amazon
Адзін з заснавальнікаў Microsoft заявіў, што мэта развіцця АІ-тэхналогій — стварэнне лічбавага агента, які будзе выконваць задачы для людзей, замяніўшы іншыя сэрвісы.
На мерапрыемстве Goldman Sachs і SV Angel у Сан-Францыска Гейтс расказаў сваё бачанне будучыні АІ-тэхналогій. «Хто б ні стварыў такога асабістага агента, гэта па-сапраўднаму вартая тэхналогія, бо вы ніколі больш не зойдзеце на сайт пашукавіка, накшталт Google, вы ніколі зноў не зойдзеце на Amazon», — дадаў ён.
На думку мільярдэра, гэты памочнік зможа зразумець патрэбы і звычкі чалавека і дапамагчы атрымаць усю неабходную інфармацыю. Гейтс мяркуе, што ёсць шанец 50 на 50, што пераможцам у гонцы штучнага інтэлекту стане альбо стартап, альбо тэхналагічны гігант. Аднак бізнэсовец будзе расчараваны, калі Microsoft пацярпіць няўдачу.
Читать на dev.by