Кампанія абвясціла аб маштабным абнаўленні Play Store, зрабіўшы акцэнт на персаналізацыі і інтэграцыі штучнага інтэлекту Gemini. Карыстальнікі атрымаюць новыя ўкладкі, тэматычныя падборкі і ўнікальныя функцыі для геймераў.
Кампанія абвясціла аб маштабным абнаўленні Play Store, зрабіўшы акцэнт на персаналізацыі і інтэграцыі штучнага інтэлекту Gemini. Карыстальнікі атрымаюць новыя ўкладкі, тэматычныя падборкі і ўнікальныя функцыі для геймераў.
Ключавой навінкай стала магчымасць атрымліваць парады ад чат-бота Gemini проста падчас гульнявога працэсу. Функцыя Gemini Live аналізуе экран, «бачыць» тое, што адбываецца ў гульні і можа падказаць, як прайсці ўзровень або перамагчы праціўніка. Зносіны з ШІ даступныя праз бакавую панэль, у тым ліку голасам.
Пакуль опцыя будзе працаваць толькі ў «некаторых» гульнях Google Play — кампанія не раскрыла поўны спіс, адзначыўшы, што тэставанне пачнецца «ў бліжэйшыя месяцы».
Укладка Apps атрымала падборкі па інтарэсах і сезонныя падзеі: ад WNBA у ЗША да нацыянальных святаў у Карэі. Ва ўкладцы You цяпер сабраны падпіскі, рэкамендацыі, узнагароды Play Points, а таксама новы геймерскі профіль з дасягненнямі і статыстыкай. Наладзіць яго можна з дапамогай GenAI-аватара.
Асобная ўкладка Games аб’ядноўвае статыстыку, узнагароды і супольнасць. Стартуе і новы фармат спаборніцтваў — Play Games Leagues, дзе гульцы змогуць спаборнічаць за Play Points. Першай стане ліга па Subway Surfers, якая пройдзе з 10 па 23 кастрычніка.
Яшчэ адно важнае новаўвядзенне — паўнавартасны запуск сэрвісу «Google Play Games» на ПК, які тры гады знаходзіўся ў бэта-тэставанні. Цяпер Android-гульні можна афіцыйна запускаць на Windows-камп’ютарах без абмежаванняў. Платформа ўжо працуе ў 130 краінах і прапануе больш за 200 тысяч гульняў. Дадзеныя сінхранізуюцца са смартфонам ці планшэтам.
Релоцировались? Теперь вы можете комментировать без верификации аккаунта.