Кампанія можа сутыкнуцца з юрыдычнымі праблемамі праз выкарыстанне гульнявога кантэнту для навучання сваёй новай мадэлі генерацыі відэа Sora. Аналіз згенераваных ролікаў паказвае наяўнасць фрагментаў з папулярных гульняў і стрымінгавых платформаў, што можа парушаць аўтарскія правы.
Кампанія можа сутыкнуцца з юрыдычнымі праблемамі праз выкарыстанне гульнявога кантэнту для навучання сваёй новай мадэлі генерацыі відэа Sora. Аналіз згенераваных ролікаў паказвае наяўнасць фрагментаў з папулярных гульняў і стрымінгавых платформаў, што можа парушаць аўтарскія правы.
Ад моманту запуску Sora карыстальнікі актыўна тэсціруюць мадэль, якая здольная генераваць відэа працягласцю да 20 секунд на аснове тэкставых запытаў або выяў. Аднак OpenAI не раскрывае поўнага пераліку даных, выкарыстаных для навучання.
Як паведамляе TechCrunch, аналіз ролікаў, згенераваных Sora, выявіў магчымае выкарыстанне кантэнту з гульняў, такіх як Super Mario Bros., Call of Duty, Counter-Strike, Teenage Mutant Ninja Turtles, а таксама стылізацыю пад трансляцыі на платформе Twitch. Некаторыя відэа Sora нават малююць персанажаў, падобных да вядомых стрымераў Twitch, такіх як Auronplay і Pokimane.
OpenAI сцвярджае, што выкарыстоўвала агульнадаступныя даныя і ліцэнзаваны кантэнт з фондавых бібліятэк, але не каментуе магчымага выкарыстання гульнявога кантэнту.
Юрысты папярэджваюць, што выкарыстанне фрагментаў з гульняў для навучання можа парушаць аўтарскія правы, асабліва калі OpenAI плануе распрацоўваць інтэрактыўныя праграмы на базе Sora. Працэс навучання мадэляў АІ уключае капіраванне даных, і калі яны ўтрымліваюць абароненыя матэрыялы, гэта можа быць парушэннем аўтарскіх правоў.
Як тлумачаць спецыялісты, гульнявыя відэаролікі абароненыя адразу некалькімі ўзроўнямі аўтарскіх правоў: кантэнт гульні, які належыць распрацоўшчыку; унікальны запіс гульнявога працэсу, створаны гульцом або аператарам, карыстальніцкі кантэнт унутры гульні (у некаторых выпадках).
Юрыдычная практыка ў галіне АІ пакуль не ўсталяваная, і магчыма, што суды могуць прызнаць генератыўныя мадэлі пераўтваральнымі, а іх дзеянні — такімі, што не парушаюць аўтарскіх правоў. Аднак карыстальнікі, якія публікуюць альбо выкарыстоўваюць матэрыялы, створаныя Sora, што паўтараюць абароненыя працы, могуць быць прыцягнутыя да адказнасці.
OpenAI дае сваім карпаратыўным кліентам гарантыі ад прэтэнзій, але індывідуальныя карыстальнікі застаюцца без такой абароны. Акрамя рызык парушэння аўтарскіх правоў магчымыя прэтэнзіі, звязаныя з таварнымі знакамі і выкарыстаннем выяў вядомых асоб.
Рэлацыраваліся? Цяпер вы можаце каментаваць без верыфікацыі акаўнта.