Генпракуратура Беларусі запатрабавала ад Wildberries спыніць продажы дронаў фізічным асобам

У Генпракуратуры заявілі, што ў верасні гэтага года фізічным асобам — рэзідэнтам Беларусі на Wildberries былі даступныя да куплі з дастаўкай у краіну БПЛА і авіямадэлі.

У прыватнасці, у продажы знаходзіліся чатырохвінтавы (БПЛА) з відэакамерай, абсталяванай рэжымам здымкі ў высокай разрознасці, радыёкіраваны самалёт (авіямадэль), забяспечаны функцыяй самастойнага вяртання на месца вылету.

У ведамстве нагадалі, што ў Беларусі дзейнічае ўказ аб забароне фізічным асобам увозіць, захоўваць і эксплуатаваць грамадзянскія дроны, авіяцыйныя мадэлі і запасныя часткі да іх. Генпракуратура абвінаваціла Wildberries «у непрыняцці належных мер для забеспячэння заканадаўства».

— Дадзеная практыка павышае рызыкі выкарыстання авіяцыйнай тэхнікі ў супрацьпраўных мэтах, у тым ліку для парушэння грамадскага парадку, экстрэмісцкай дзейнасці і здзяйснення актаў тэрарызму, — гаворыцца ў паведамленні ведамства.

Прэс-служба аб’яднанай кампаніі Wildberries і Russ на запыт РБК адказала, што кампанія выконвае дзейнае заканадаўства Беларусі.

— Ад моманту ўступлення ў сілу ўказа (ад 25 верасня 2023 года) аб забароне для фізічных асоб на ўвоз у Беларусь, захоўванне, абарот і эксплуатацыю беспілотных лятальных апаратаў і авіямадэляў продажы названай тэхнікі на пляцоўцы Wildberries на тэрыторыі Беларусі не ажыццяўляюцца», — адзначылі ў кампаніі.

Там удакладнілі, што Генпракуратура Беларусі не выявіла парушэнні «ў частцы рэалізацыі фізічным асобам беспілотных лятальных апаратаў і авіямадэляў».

— Прадстаўленне, унесенае ў адрас кампаніі, тычыцца ліквідацыі прычын і ўмоў, якія маглі б спрыяць дадзеным фактам, — удакладнілі ў прэс-службе.