GitHub Copilot стаў цалкам бясплатным унутры VSCode

Раней Copilot быў даступны па падпісцы, пачынаючы ад $10 на месяц. Цяпер жа любы карыстальнік з акаўнтам на GitHub можа выкарыстоўваць Copilot бясплатна. Бясплатная версія Copilot мае некаторыя абмежаванні. Карыстальнікі атрымаюць 2000 аўтадапаўненняў кода і 50 паведамленняў у чаце на месяц, а таксама доступ да мадэляў GPT-4o ад OpenAI і Claude 3.5 Sonnet ад Anthropic. Платныя планы таксама ўключаюць Gemini 1.5 Pro ад Google і o1-preview і mini ад OpenAI.

Карыстальнікі могуць задаць пытанне па кодзе, папрасіць тлумачэння існага кода або знайсці памылку. Бясплатны Copilot працуе ў розных рэдактарах, уключаючы VS Code, Visual Studio і JetBrains, а таксама на GitHub.com. GitHub падкрэслівае, што Copilot не капіруе і не ўстаўляе кода, а генеруе прапановы на аснове імавернаснага вызначэння. Доступ да сэрвісу неабходна актываваць на гэтай старонцы. 

Распрацоўшчыкі, якія выкарыстоўваюць Copilot, паведамляюць пра павышэнне задаволенасці працай на 75% і павелічэнне прадукцыйнасці пры напісанні кода на 55%. У GitHub адзначылі, што з абнаўленнем бясплатны доступ да Copilot атрымаюць 150 мільёнаў распрацоўшчыкаў, зарэгістраваных на платформе. На пачатку 2023 года карыстальнікамі GitHub былі 100 мільёнаў чалавек. АІ-сэрвіс GitHub Copilot быў паказаны ў 2021 годзе як «напарнік праграміста».